मरकुस 4:11 - बिलासपुरी नौआं नियम

¹¹ यीशुये तिन्हांने गलाया, “परमेशरे अपणे राज्जा रे भेत्तां जो तुहां पर परगट कित्या, पर तिन्हांजो सै जे माह पर विश्वास नीं करदे तिन्हांरे खातर ये सारियां गल्लां उदाहरणां च हुआं इयां।

मरकुस 4:11 Referans Kwoze

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

लूका 8:10

तिने जवाब दित्या, “तुहांजो परमेशरा रे राज्जा री छुपी रियां गल्लां जो समझणे री अक्कल दितिरी। पर हऊँ इन्हां कहाणियां रा इस्तेमाल बाहरल्यां लोकां ते इस बारे च सब किछ छिपाणे खातर करया राँ, ताकि पवित्र शात्रा रा लिखिरा पूरा हुई सक्को: ‘सै देखां ये भई हऊँ क्या कराँ, पर सै हकीकता च नीं देखदे; सै सुणां ये भई हऊँ क्या बोलां, पर सै तिन्हां रिया समझा च नीं औन्दा।’

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

1 थिस्सलुनीकियां 4:12

इस तरीके रा बर्ताव करने ते अविश्वासी लोक तुहांरा आदर करगे, कने तिसा चीजा री जे तुहांजो जरूरत इ तिसा रे खातर तुहांजो किसी पर बी निर्भर नीं रहणे पौणा।

कुलुस्सियां 4:5

मौके जो कीमती समझीने अविश्वासी लोकां ने समझदारिया ने बर्ताव करा।

1 तिमुथियुस 3:7

कने कलीसिया रे बाहरा रे लोकां च बी तिसरी ईज्जत हो, ताकि सै बदनाम हुईने शैतान्ना रे फन्दे च फसी जाओ।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 13:16

पर परमेशरे तुहांजो आशीष दित्ति काँह्भई जो किछ मैं कित्या तिसजो तुहें देख्या, कने सै जे मैं गलाया तिसजो तुहें समझया।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

मरकुस 3:23

इस खातर यीशु तिन्हांजो नेड़े सद्दीने तिन्हांने उदाहरणा च गलाणे लगया, “शैतान अपणिया बुरिया आत्मा जो नीं कड्डी सक्कां,

मरकुस 4:2

कने सै तिन्हांजो उदाहरणां च बौहत सारियां गल्लां सखाणे लगया, कने अपणे उपदेशा च तिन्हांने गलाया,

मरकुस 4:10

तंजे यीशु कल्हा था, तां बारा चेले कने होर सै लोक सै जे ऊत्थी कट्ठे हुईरे थे, तिसते तिन्हें इन्हां उदाहरणां रा मतलब पुच्छया।