मरकुस 3:9 - बिलासपुरी नौआं नियम

^9-10 काँह्भई तिने मतयां लोकां जो ठीक कित्तिरा था; इस खातर जितने लोक बमारिया ने जकड़ोईरे थे, सै तिसरे नजदीक आईने तिस्सो छूणे री बौहत कोशिश करीराँ थे, ताकि सै लोक ठीक हुई सक्को। इस खातर तिने अपणयां चेलयां ने बोल्या भई, “मेरे खातर इक छोट्टी किश्ती त्यार रक्खा, ताकि लोक मेरने छोणे जो औणे रिया वजह ने मिन्जो घेरी नीं सक्को।”

मरकुस 3:9 Referans Kwoze

यूहन्ना 6:15

यीशु ये जाणिग्या भई ये मिन्जो राजा बनाणे खातर आई ने पकड़ना चाँये, इस खातर सै कल्हा इ पहाड़ा पर चलीया।

मरकुस 5:30

यीशुये जो ताहलूं इ महसूस हुईग्या भई मेरे चते सामर्थ्य निकल़ीरी, कने भीड़ा च चऊँ पासयां देखीने पुच्छया, “मेरे कपड़यां ने कुण छोया?”

मत्ती 15:39

लोकां जो भेज्जीने यीशु किश्तिया पर बैठीने आईग्या कने मगदन इलाके जो चलिग्या।

मरकुस 4:1

फेरी यीशु गलील दरयावा रे कनारे उपदेश देणे लगया : कने येढ़ि बड्डी भीड़ तिसले कट्ठी हुईगी भई सै तिस दरयावा च इक्की किश्तिया पर चढ़ीने बैठिग्या, कने सारी भीड़ धरतिया पर दरयावा रे कनारे खढ़ी रैई।

मरकुस 4:36

यीशु पैहले तेई किश्तिया च था इस खातर तिन्हें भीड़ा जो छड्डया कने दरयावा च यात्रा करने लगीपे, होर लोक बी दुज्जियां किश्तियां च तिन्हांरे सौगी चलीपे।

मरकुस 5:2

कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या।

मरकुस 6:32

इस खातर यीशु अपणे चेलयां सौगी किश्तिया पर चढ़ीने सुनसान जगह जो लग चलीगे।

लूका 5:1

इक बगत ताहली जे भई लोकां रा दंगल यीशुये जो चऊँ पासयां ते घेरी ने परमेशरा रा बचना सुणीराँ था, कने सै गन्नेसरत नदिया रे कण्डे खढ़िरा था।

लूका 5:3

यीशु तिन्हां किश्तियां चते इक्की पर चढ़ीग्या, सै जे शमौना री थी, कने तिने तिसते बिनती किति भई “कश्तिया जो कण्डे ते थोड़ा जेआ खसकाई ने पाणिये च लेई चल।” फेरी यीशु तिसच बैट्ठीने ऊथीते लोकां जो बचन सुनाणे लगया।