मरकुस 3:5 - बिलासपुरी नौआं नियम

⁵ यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

मरकुस 3:5 Referans Kwoze

लूका 6:10

तां तिने हर इक माहणुये खौ मुड़ीने देख्या। फेरी तिस माहणुये जो गलाया, “अपणा हत्थ अग्गे कर।” तिने अपणा हत्थ अग्गे कित्या कने सै चंगा हुईग्या!

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

मत्ती 12:13

फेरी यीशुये तिस सुक्कीरे हत्था औल़े माहणुये ने गलाया, “अपणा हात्थ अग्गे कर।” कने तिने अपणा हात्थ अग्गे करित्या, फेरी तिसरा सुक्कीरा हात्थ तिसरे दुज्जे हत्था साई बिल्कुल ठीक हुईग्या।

प्रकाशितवाक्य 6:16

सै पहाड़ कने टरयां ने बोलणे लगे, “अहांरे ऊपर पैई जावा; कने अहांजो तिसरिया नज़राँ ते सै जे संघासणा पर बैठिरा, कने मेमने रे गुस्से ते बचाई लै।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

इब्रानियों 3:17

कने परमेशर चाल़ियां साल्लां तकौ किन्हां लोकां ने गुस्से रैया? तिन्हां लोकां ने तिन्हें जे पाप कित्या, कने सै जे सुनसान जगह च मरीगे।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

इफिसियां 4:26

तुहें गुस्सा त कराँ, पर गुस्से च आईने पाप नीं करना, दिन घरने ते पैहले तुहांरा गुस्सा खत्म हुईजो।

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

यूहन्ना 9:7

तिसजो गलाया, “जा शीलोह रे कुण्डा च धोई ले” (शीलोह रा मतलब भेज्जिरा) इस खातर तिने जाईने धोया, कने देखदा हुआ बापस आईग्या।

लूका 17:14

यीशुये तिन्हां खा देख्या कने गलाया, “यरूशलेम मन्दरा च जावा; कने अप्पूँजो याजकां ले दस्सा।” जान्दे-जान्दे इकदम बाटा ची सै अपणे कोढ़ा ते विल्कुल ठीक हुईगे!

लूका 13:15

पर येढ़ा सुणीने प्रभु यीशुये जबाब दित्या, “कपटियो! क्या तुहां चाते सारे इ विस्राम रे दिन काम्म नीं कराँ ये! क्या तुहें इस दिन अपणे बच्छुआं या गधे जो खुण्डा ते छड्डिने पाणी प्याणे नीं लेई जान्दे?

इब्रानियों 3:10

इस वजह ते हऊँ तिन्हां लोकां ते गुस्से था, कने गलाया, इन्हांरे मन सदा भटकदे रैं, कने इन्हें मेरे हुक्मा रा पालन करने ते इन्कार कित्या।

मरकुस 3:4

फेरी यीशुये फरीसियां ते पुच्छया, “क्या परमेशर अहांजो विस्राम रे दिन लोकां रा भला करने रा हुक्म देआं या बुरा करने रा? क्या सै अहांजो किसी री जिन्दगी बचाणे रा हुक्म देआं या तिसजो मारने रा?” पर सारे चुप रै।