मरकुस 3:3 - बिलासपुरी नौआं नियम

³ यीशुये सुक्कीरे हत्था औल़े माहणुये जो बोल्या, “सब्बीं लोकां रे सामणे खड़ा हुई जा।”

मरकुस 3:3 Referans Kwoze

1 पतरस 4:1

इस खातर ताहली जे भई मसीहे अपणे शरीरा च दुख सैया, तां तुहें बी हथियारा साई तिसा मनसा जो धारण करा, काँह्भई तिने जे शरीरा च दुख सैईरा, तिने पापां जो त्यागी तरा।

फिलिप्पियां 1:14

कने प्रभु च सै जे विश्वासी ये, तिन्हां चते जादातर विश्वासियां जो मेरे कैद हुणे रिया वजह ने बड़ा जोश आया, कने जादा ते जादा जोशा ने परमेशरा रा वचन निधड़क हुईने सुणाई रायें।

गलातियां 6:9

इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

यूहन्ना 9:4

तिने जे हऊँ भेज्जिरा, अहांजो तिसरे काम्म दिनें-दिनें इ करी लेणा जरूरी आ; काँह्भई सै रात औणे औल़ी तिसच जे कोई काम्म नीं करी सकदा।

लूका 6:8

पर सै तिन्हारे मना रियां गल्लां जो जाणा था; इस खातर तिने सुक्कीरे हत्था औल़े माहणुये ने बोल्या, “उट्ठीने बिच खड़ा हुई जा।” कने सै उट्ठीने खड़ीग्या।

मत्ती 12:10

ऊथी तिने इक येढ़ा माहणु देख्या, तिसरा जे सज्जा हात्थ सुकीगरा था। कने तिन्हें यीशुये पर दोष लगाणे रे खातर तिसते पुच्छया, भई क्या विस्राम रे दिन चंगा करना ठीक आ?

मरकुस 3:2

तिन्हां चते किछ फरीसी यीशुये पर दोष लगाणे रे खातर कोई इक वजह टोल़ीरां थे, इस खातर सै तिस्सो ध्यान्ना ने देखणे लगे भई सै विस्राम रे दिन तिस्सो ठीक करगा कि नीं।

मरकुस 3:4

फेरी यीशुये फरीसियां ते पुच्छया, “क्या परमेशर अहांजो विस्राम रे दिन लोकां रा भला करने रा हुक्म देआं या बुरा करने रा? क्या सै अहांजो किसी री जिन्दगी बचाणे रा हुक्म देआं या तिसजो मारने रा?” पर सारे चुप रै।