मरकुस 3:2 - बिलासपुरी नौआं नियम

² तिन्हां चते किछ फरीसी यीशुये पर दोष लगाणे रे खातर कोई इक वजह टोल़ीरां थे, इस खातर सै तिस्सो ध्यान्ना ने देखणे लगे भई सै विस्राम रे दिन तिस्सो ठीक करगा कि नीं।

मरकुस 3:2 Referans Kwoze

लूका 14:1

फेरी सै विस्राम रे दिन इक्की फरीसियां रे सरदाराँ चते किसी रे घरें रोटी खाणे गया; सारयां लोकें यीशुये च कोई गल़ती टोलणे खातर तिन्हां पर नज़र रखीरी थी।

लूका 6:7

शास्त्री कने फरीसी तिस पर दोष लगाणे रा मौका पाणे खातर नजर रक्खीरे हुये थे, भई देक्खां ये भई सै विस्राम रे दिन चंगा कराँ कि नीं।

लूका 20:20

सै सही मौके रिया तलाशा च थे, इस खातर तिन्हे अगुवेयां किछ जासूसां जो धर्मी माहणुआं रे भेषा च भेज्या भई यीशुये री कोई येढ़ि गल्ल पकड़ा तिसरी शिकायत जे अहें अधिकारियां ने करी सक्को ताकि सै तिसजो गिरफ्तार करी लो।

यूहन्ना 9:16

इस पर किछ फरीसी बोलणे लगे, “ये माहणु परमेशरा रिया तरफा ते निआं काँह्भई सै विस्राम रे दिना रा पालन नीं करदा।” होरीं गलाया, “कोई पापी माहणु भला येढ़े चमत्कारा रे काम्म कियां करी सक्कां?” इसा गल्ला पर सै अप्पूँ बाटियें लड़ने लगे।

मत्ती 12:10

ऊथी तिने इक येढ़ा माहणु देख्या, तिसरा जे सज्जा हात्थ सुकीगरा था। कने तिन्हें यीशुये पर दोष लगाणे रे खातर तिसते पुच्छया, भई क्या विस्राम रे दिन चंगा करना ठीक आ?

मरकुस 3:3

यीशुये सुक्कीरे हत्था औल़े माहणुये जो बोल्या, “सब्बीं लोकां रे सामणे खड़ा हुई जा।”

यूहन्ना 8:6

तिन्हे यीशुये जो परखणे रे खातर ये गल्ल बोल्ली ताकि तिन्हाजो कोई येढ़ा बहान्ना मिली जाओ तिसते जे सै तिस पर कोई दोष लगाई सक्को। पर यीशु थल्ले खौ झुकीने अपणिया गुट्ठिया ने धरतिया पर लिखणे लगया।