मरकुस 2:9 - बिलासपुरी नौआं नियम

⁹ यीशुये यहूदी शास्त्रियां ने बोल्या लकवे रे रोगिये जो ये बोलणा मुश्कल नींआ भई ‘तेरे पाप माफ हुये,’ काँह्भई कोई इसजो साबित नीं करी सकदा। पर कोई तिसजो बोल्ली नीं सकदा, भई ‘उट्ठ अपणिया पाल़किया चक कने चलने फिरने लगी जा’ जे हकीकत च तिसले ठीक करने री सामर्थ नीं।

मरकुस 2:9 Referans Kwoze

मत्ती 9:5

जादा ठीक क्या? ये बोलणा, भई ‘तेरे पाप माफ हुये’, या ये बोलणा, भई ‘खड़ा ओ कने चली पौ।’

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 9:2

तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

मरकुस 2:8

यीशुये इकदम जाणील्या, भई सै अपणे-अपणे मना च येढ़ा बचार करया रायें, कने तिन्हांजो बोल्या, “तुहांजो येढ़ा नीं सोचणा चाहिन्दा।

मरकुस 2:10

पर इस खातर भई तुहांजो ये पता लगी जाओ भई मिन्जो यनि माहणुये रे पुत्रा जो धरतिया पर पाप माफ करने रा बी अधिकार आ।” यीशुये तिस लकवे रे रोगिये जो गलाया,

लूका 7:48

फेरी प्रभु यीशुये तिसा जनाना जो गलाया, “तेरे पाप माफ हुये।”