मरकुस 2:8 - बिलासपुरी नौआं नियम

⁸ यीशुये इकदम जाणील्या, भई सै अपणे-अपणे मना च येढ़ा बचार करया रायें, कने तिन्हांजो बोल्या, “तुहांजो येढ़ा नीं सोचणा चाहिन्दा।

मरकुस 2:8 Referans Kwoze

प्रेरितां 8:22

इस खातर अपणिया इसा बुराईया ते मन फिराई ने प्रभुये ले प्राथना कर, हुई सक्कां भई तेरे मना रा बुरा बचार माफ कित्या जाओ।

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

यूहन्ना 6:64

पर तुहां च येढ़े कितणे लोक ये, सै जे विश्वास नीं करदे।” काँह्भई यीशु पैहले तेई जाणाँ था भई सै जे विश्वास नीं करदे, सै कुण ये; कने मिन्जो पकड़वाणे औल़ा कुण आ?

लूका 24:38

तिने तिन्हांने गलाया, “तुहें मता डरदे, हऊँ कुण आ, इसा गल्ला रा तुहें अपणे मनां च बैहम काँह करी रायें?

लूका 6:8

पर सै तिन्हारे मना रियां गल्लां जो जाणा था; इस खातर तिने सुक्कीरे हत्था औल़े माहणुये ने बोल्या, “उट्ठीने बिच खड़ा हुई जा।” कने सै उट्ठीने खड़ीग्या।

लूका 5:22

यीशुये तिन्हारे मना री गल्लां जाणीने, तिन्हांने बोल्या, “तुहें अपणे मना च बुरा बचार कजो करी रांये?

मत्ती 9:4

यीशुये तिन्हांरे मना रियां गल्लां जाणीने बोल्या, “तुहें लोक अपणे-अपणे मनां च बुरा बचार काँह करी रायें?

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

मरकुस 7:21

काँह्भई अन्दरा ते, यनिके माहणुये रे मना ते, बुरे-बुरे बचार, व्यभिचार, चोरी, हत्या, परस्त्रीगमन,

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

मत्ती 12:15

ये जाणीने यीशु ऊत्थीते चलिग्या। काफी लोक तिसरे पिच्छे चली पे, कने तिने सब्बीं जो चंगा कित्या,

मत्ती 16:7

सै अप्पूँ चियें बचार करदे हुये गलाणे लगे, “हुई सक्कां तिने ये इस खातर बोल्या काँह्भई अहें रोटी सौगी नीं ल्याये।”

मरकुस 2:7

“इस माहणुये जो येढ़ा नीं बोलणा चाहिन्दा? येत परमेशरा री निंध्या कराँ! परमेशरा ते इलावा होर कोई पाप माफ नीं करी सकदा!”

मरकुस 2:9

यीशुये यहूदी शास्त्रियां ने बोल्या लकवे रे रोगिये जो ये बोलणा मुश्कल नींआ भई ‘तेरे पाप माफ हुये,’ काँह्भई कोई इसजो साबित नीं करी सकदा। पर कोई तिसजो बोल्ली नीं सकदा, भई ‘उट्ठ अपणिया पाल़किया चक कने चलने फिरने लगी जा’ जे हकीकत च तिसले ठीक करने री सामर्थ नीं।