मरकुस 2:18 - बिलासपुरी नौआं नियम

¹⁸ यूहन्ना रे चेले, कने फरीसी उपवास कराँ थे। इस खातर किछ लोकें आईने यीशुये ते पुच्छया, “यूहन्ना रे चेले, कने फरीसियां रे चेले उपवास रक्खां ये, पर तेरे चेले काँह नीं रखदे?”

मरकुस 2:18 Referans Kwoze

लूका 18:12

हऊँ हफ्ते च दो बार उपवास रखां, कने अपणी सारी औंदणिया रा दसवां हिस्सा बी देआं।”

मत्ती 6:18

ताकि लोक ये नीं जाणे भई तू उपवास करीराँ, पर तेरा पिता तिस्सो जे तू देखी नीं सकदा, सै देक्खो भई तैं उपवास कित्तिरा। फेरी तेरा पिता सै जे तेरे छिपिने कित्तिरे सारयां कम्मां जो देक्खां, तिज्जो तिसरा ईनाम देंगा।”

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

मरकुस 2:19

यीशुये तिन्हांजो जबाब दित्या, “तदुआं तकौ जे हऊँ अपणे‍ चेलेयां सौगी आ, सै उपवास कियां करी सक्कां ये? सै नीं करी सकदे, काँह्भई सै खुश ये, ठीक तियां इ जियां लाड़े रे मित्र तिस सौगी तिसरे ब्याह री खुशी मनाँ ए।