मरकुस 2:16 - बिलासपुरी नौआं नियम

¹⁶ किछ यहूदी शास्त्री सै जे फरीसी बी थे तिन्हें ये देखीने भई सै त पापियां कने चुंगी लेणे औल़यां ने सौगी रोटी खाईराँ, इस खातर तिन्हें यीशुये रे चेलयां जो बोल्या, “सै त पापियां कने चुंगी लेणे औल़यां ने सौगी खां-पीआं!”

मरकुस 2:16 Referans Kwoze

लूका 19:10

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

1 कुरिन्थियों 2:15

पवित्र आत्मा पाईरा माहणु सब किछ परखां, पर तिसरी परख कोई नीं करी सकदा।

प्रेरितां 23:9

तां बड़ा हल्ला मचया कने किछ शास्त्री सै जे फरीसी थे, उट्ठीने ये बोलीने बैहस करने लगे, “अहें इस माहणुये च कोई बुराई नीं देखदे, जे कोई आत्मा या स्वर्गदूत तिसने बोलां तां फेरी क्या?”

लूका 19:7

पर मतयां लोकां जो तिसरी ये गल्ल खरी नीं लगी। सै बुड़बुड़ करने लगे, भई “येत इक पापी ये रे घरें मेहमान बणीने चलीरा!”

इब्रानियों 12:3

इस खातर यीशुये रे उदाहरणा पर ध्यान देआ भई तिने जे पापियां रे जरिये दित्तिरे बौहत दुखां जो कने नफरता जो सहन करील्या, ताकि तुहें उदास हुईने हिम्मत नीं हारी दो।

मरकुस 2:7

“इस माहणुये जो येढ़ा नीं बोलणा चाहिन्दा? येत परमेशरा री निंध्या कराँ! परमेशरा ते इलावा होर कोई पाप माफ नीं करी सकदा!”

मत्ती 18:17

जे सै तिन्हांरी बी नीं सुणो, तां कलीसिया च दस्सी दो, कने जे सै कलीसिया री बी नीं मन्नो, तां फेरी तू तिसने इयां बर्ताव कर तियां जे सै कोई पापी ओ या कर बसूलणे औल़ा ओ।

मत्ती 9:11

ये देखीने फरीसियें तिसरे चेलयां ने बोल्या, “तुहांरा गुरू चुंगी लेणे औल़यां ने कने पापियां ने सौगी खाणा कजो खां?”

मत्ती 5:46

काँह्भई जे तुहें अपणे प्यार रखणे औल़यां नेई प्यार रखां ये, तां तुहांजो परमेशरा कजो ईनाम देणा? क्या टैक्स लेणे औल़े बी येढ़ा इ नीं करदे?”

मरकुस 2:15

किछ दिनां ते बाद यीशु कने तिसरे चेले लेविये रे घरें राति जो रोटी खाया रां थे। बौहत सारे चुंगी लेणे औल़े कने तिन्हांजो जे लोक पापी मन्नां थे तिन्हां सौगी रोटी खाणे बैट्ठे; काँह्भई सै बौहत सारे थे, कने यीशुये सौगी हरेक जगह जाया कराँ थे।

लूका 5:30

कने फरीसी कने तिन्हांरे शास्त्री, तिसरे चेलयां ने ये बोलीने शकैत करने लगे, “तुहें चुंगी लेणे औल़यां कने पापियां ने सौगी खां-पीयें?”