मरकुस 2:1 - बिलासपुरी नौआं नियम

¹ किछ दिनां ते बाद, ताहली जे फेरी यीशु कफरनहूम नगरा च आया, लोकें ये खबर इकदम फैलाईती भई यीशु घरें आ।

मरकुस 2:1 Referans Kwoze

यूहन्ना 4:47

सै ये सुणीने भई यीशु यहूदिया जिले ते गलील जिले च बापस आईगरा, सै तिसले काना नगरा च गया कने बिनती करने लगया भई चल्लीने मेरे मुण्डुये जो ठीक करी दे : काँह्भई सै मरने जो हुईगरा था।

मरकुस 7:24

फेरी यीशु गलील प्रदेशा जो छड्डिने सूर कने सैदा रे नगर च आया; कने इक्की घरा च गया कने चाँह था भई किसी जो पता नीं लगो; पर सै लुक्खी नीं सक्कया।

लूका 5:18

कने देक्खा कई लोक इक माहणुये जो सै जे लकवे रा रोगी था, पाल़किया पर ल्याये, कने सै तिस्सो अन्दर ले जाणे कने यीशुये रे सामणे रखणे रा उपाय टोल़ीराँ थे।

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मत्ती 9:1

फेरी यीशु इक्की किश्तिया च बैट्ठया कने नदिया ते पार अपणे तिस नगरा च आईग्या तिसच जे सै रैई कराँ था।

प्रेरितां 2:6

तां जे ये अवाज़ हुई तां भीड़ कट्ठी हुईगी कने लोक घबराईगे, काँह्भई हर इक्की जो येई सुणां था भई मेरिया इ भाषा च गलाया रायें।

मत्ती 4:13

कने सै नासरत जो छड्डिने कफरनहूम रे तिस इलाके च गया सै जे गलील दरयावा रे कनारे बसीरा था, तित्थी जे जबूलून कने नप्ताली गोत्राँ रे लोक रैयां थे।

मरकुस 2:2

फेरी इतणे लोक कट्ठे हुईगे भई दरवाजे ते बाहर बी जगह नीं थी; कने सै तिन्हांजो परमेशरा रा वचन सुणाया राँ था।

मरकुस 3:20

कने यीशु घरा जो आया कने येढ़ि भीड़ कट्ठी हुईगी भई सै रोटी बी नीं खाई सक्के।

मरकुस 7:17

तंजे सै भीड़ा ते दूर इक्की घरा च गया, तां तिसरे चेलयां इस उदाहरणा रे मतलबा रे बारे च तिसते पुच्छया।

मरकुस 9:28

बाद बिच ताहली जे यीशु अपणे चेलेयां सौगी घरा च कल्हा था, तां तिन्हें तिसते पुच्छया, “अहें बुरीआत्मा जो काँह नीं कड्डी सक्के?”

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?