मरकुस 13:5 - बिलासपुरी नौआं नियम

⁵ यीशु तिन्हाने बोलणे लगया : “ध्यान रौ भई कोई तुहांजो धोखा नीं देओ।

मरकुस 13:5 Referans Kwoze

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

2 थिस्सलुनीकियां 2:3

कोई तुहांजो किसी बी तरिके ने धोखा नीं देओ, काँह्भई सै दिन तदुआं तक नीं औणा तदुआं तक जे परमेशरा रे बरोधा च बौहत लोक बिद्रोह नीं करदे, कने सै दुष्ट माहणु प्रगट हूणा तिस्सो जे पक्का परमेशरा नाश करना।

1 कुरिन्थियों 15:33

इन्हां गल्लां रे जरिये धोखा नीं खाणा, “बुरी संगती खरे चरित्रा जो बगाड़ी देईं।”

लूका 21:8

तिने गलाया, “चौकन्ने रौआ, भई झूट्ठा पर विश्वास नीं करो, काँह्भई मतयां लोकां मेरा हुणे रा दावा करना कने बोलणा भई हऊँ मसीह आ कने सौगी जो येढ़ा बी बोल़णा, संसारा रा अन्त नजदीक आ। पर तुहें तिन्हांरे पिच्छे देक्खां चली जान्दे।

मरकुस 13:4

“अहौं दस्स भई ये गल्लां काहलूं हुणियां? कने तंजे ये सारियां गल्लां पूरियां हुणे औणियां हुंगियां तिस वगता रा क्या नशाण हूणा?”

मरकुस 13:6

कईयां लोकां औणा कने बोलणा भई मैं तिन्हांजो भेज्जिरा, ‘हऊँ मसीह आ,’ कने तिन्हां कई लोकां जो भरमाणा।