मरकुस 13:13 - बिलासपुरी नौआं नियम

¹³ कने माह पर विश्वास करने रिया वजह ते बौहत सारयां लोकां तुहांजो नफरत करनी; पर सै जे सताव रे आखिरी दिनां तक मेरे विश्वासा च बणीरा रैहन्गा, सै बचाया जाणा।”

मरकुस 13:13 Referans Kwoze

मत्ती 10:22

माह पर विश्वास करने रिया बजह ने कईयां लोकां तुहांते बैर रखणा, पर सै जे आखिर तक माह पर विश्वास करदा रैहन्गा तिसजो बचाया जाणा।

मत्ती 24:13

पर सै जे आखिर तक माह पर विश्वास रखी रखगे, सैई परमेशरा बचाणे।

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

गलातियां 6:9

इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।

इब्रानियों 10:39

पर अहें हटणे औल़यां चते नींये सै जे नाश हुई चुक्कीरे। पर अहें तिन्हां चते सै जे परमेशरा पर विश्वास कराँ ये कने छुटकारा पाई चुक्कीरे।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

यूहन्ना 17:14

मैं तेरा सन्देश तिन्हांजो दस्या, पर संसारा रे लोकें तिन्हांते नफरत कित्ती, काँह्भई सै संसारा रे नींये, तियां जे हऊँ संसारा रा निआं।

लूका 21:17

मांह पर विश्वास करने रिया वजह ते सारयां लोकां तुहांजो बैर करना।

मत्ती 24:9

“फेरी तुहांरे शत्रुआं तुहांजो सताणे खातर पकड़वाणा, कने तुहें मरवाई देणे, काँह्भई मांह पर विश्वास करने रिया वजह ते सारी जातियां रे लोकां तुहांजो बैर रखणा।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

1 यूहन्ना 3:13

मेरे साथी विश्वासियो, जे इस संसारा रे लोक तुहांजो नफरत करो, तां चम्भा नीं करयों।

मरकुस 13:12

“तिस वगत लोकां अपणे विश्वासी भाई-भैणां जो मारने रे खातर पकड़वाणा, तियां इ माता पिता अपणे बच्चयां ने करना कने बच्चयां अपणे माता-पिता रे खिलाफ हुईने तिन्हांजो मरवाणे खातर बैरियां रे हत्था च सौंपणा।