मरकुस 13:12 - बिलासपुरी नौआं नियम

¹² “तिस वगत लोकां अपणे विश्वासी भाई-भैणां जो मारने रे खातर पकड़वाणा, तियां इ माता पिता अपणे बच्चयां ने करना कने बच्चयां अपणे माता-पिता रे खिलाफ हुईने तिन्हांजो मरवाणे खातर बैरियां रे हत्था च सौंपणा।

मरकुस 13:12 Referans Kwoze

मत्ती 10:21

तुहांजो अविश्वासी लोकां पकड़ीने हाकिमां ले मारने जो सौंपणा, काँह्भई तुहें माह पर विश्वास कराँ ये, उदाहरणा रे तौरा पर भाईये अपणे भाई पकड़वाई ने हाकिमां ते मौती री सजा दवाणी, मौ-बुढ़यां अपणयां बच्चयां जो पकड़वाणा कने बच्चयां तिन्हांरे खलाफ हुई जाणा; तिन्हां सै मरवाई देणे।

लूका 21:16

कने तुहांरे माता-पिता, भाई-भैणां, रिश्तेदारां, मित्राँ बी तुहांजो धोखा देणा; येत्थी तक भई तुहां चते किछ लोकां री त हत्या बी करी देणी।

मत्ती 24:10

तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा।

मरकुस 13:11

ताहली जे तुहांजो गिरफ्तार करील्या जाओ कने अदालता च लेई जाया जाओ, तां पैहले ते चिन्ता देखां करदे, भई अहां क्या बोलणा। पर सै जे किछ तुहांजो तिस वगत दस्या जाणा, सैई बोलणा; काँह्भई बोलणे औल़े तुहें नींये, पर पवित्र आत्मा।”

मरकुस 13:13

कने माह पर विश्वास करने रिया वजह ते बौहत सारयां लोकां तुहांजो नफरत करनी; पर सै जे सताव रे आखिरी दिनां तक मेरे विश्वासा च बणीरा रैहन्गा, सै बचाया जाणा।”