मरकुस 12:7 - बिलासपुरी नौआं नियम

⁷ पर ताहली जे करसाणें तिसरे पुत्रा जो औन्दे हुये देख्या, तां तिन्हें इक्की दूये ने गलाया, ‘येई त बगीचे रा बारस आ। आओ, अहें इस्सो मारी दईये, तां सब किछ अहांरा हुई जाणा।’

मरकुस 12:7 Referans Kwoze

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

प्रेरितां 5:28

“क्या अहें तुहांजो समझाई ने हुक्म नीं दित्या था भई तुहें इस नौआं ते उपदेश देहां देन्दे? तां बी देक्खा, तुहें सारे यरूशलेम जो अपणे उपदेशा ते भरीत्या कने तिस माहणुये रिया हत्या रा दोष अहां पर मढ़ना चाँह थे।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

मरकुस 12:12

तां यहूदी अगबेयां यीशुये जो पकड़ना चाहया; काँह्भई सै समझीगे थे भई इने आहंरे बारे च ये उदाहरण बोलीरा : पर सै लोकां ते डरे; कने तिस्सो छड्डिने चलीगे।

मत्ती 2:16

ताहली जे राजा हेरोदेस ये जाणिग्या, भई जोतषियें तिसने चाल खेल्ही, तां सै गुस्से च लाल पील़ा हुईग्या, तिने अपणे सिपाईयां जो हुक्म दित्या भई बैतलहम कने तिसरे अक्खा-बक्खा रे इलाके रे दुईं साल्लां रे या इसते छोट्टयां बच्चयां री, हत्या करी दित्ति जाओ। (जोतषियां रे दस्सीरे बगता जो आधार बणाईने)

मत्ती 21:34

ताहली जे अँगूर तोड़ने रा बगत आया तां बगीचे रे मालके ठेकेदाराँ ले अपणा दास भेज्या ताकि तिन्हाते सै अपणे हिस्से रे अँगूर ली आओ।

मरकुस 12:6

हुण भेजणे खातर मालका ले सिर्फ इक इ माह्णु था। सै माह्णु तिसरा अपणा प्यारा पुत्र था; आखिर बिच तिने तिस्सो बी तिन्हां लौ ये सोच्चीने भेज्या, ‘भई सै मेरे पुत्रा रा आदर करगे।’

मरकुस 12:8

कने तिन्हें तिस्सो पकड़ीने मारीत्या, कने लाश अंगूरां रे बगीचे ते बाहर सट्टीत्ती।”

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।