मरकुस 12:44 - बिलासपुरी नौआं नियम

⁴⁴ काँह्भई सारयां देणे औल़यां अपणे बौहत पैसे चते किछ हिस्सा दान दित्या, पर इस बिधवे अपणा सब किछ देईत्या येत्थी तक भई तिसाले जिऊंदा रैहणे खातर बी किछ नीं रैया।”

मरकुस 12:44 Referans Kwoze

1 यूहन्ना 3:17

पर जिस किसी ले संसारिक धन-दौलत हो कने सै अपणे साथी विश्वासिये जो जरूरत मन्द देखीने तिस पर तरस नीं खाओ, तां तिसच परमेशरा रा प्यार कियां बणीने रैई सक्कां?

मरकुस 14:8

जो किछ सै करी सक्की, तिसे कित्या; तिसे मेरे दफनाये जाणे री त्यारी करने खातर पैहले तेई मेरे शरीरा पर खुशबुदार तेल मल़ीत्या।

लूका 15:30

पर तां जे तुहांरा ये मुण्डु अपणा सारा पैसा कंजरियां पर लुटाईने वापस आईरा, तां तुहें सब्बीं ते खरे कने मोटे जे बकरे जो बड्डीने खुशियां मनाई रायें।’

लूका 15:12

तिन्हां चते छोट्टे मुण्डुये पिता ने गलाया, ‘पिता! हऊँ तुहांरे मरने तक इन्तजार नीं करी सकदा इस खातर तुहांरी जायदाता च सै जे मेरा हिस्सा बणां सै मिन्जो हुण दे।’ फेरी तिसरा पिता अपणे दुईं मुण्डुआं च अपणी जायदात बन्डी देआं।

लूका 8:43

तिसा भीड़ा च येढ़ि जनाना थी तिसाजो जे बारा साल्लां ते खून बैहणे री बमारी थी। तिसा जनाना ले सै जे किछ था सै सारा तिसे बैदां ले जाईने खर्ची दितिरा था, तां बी किसी ते ठीक नीं हुई थी।

मरकुस 12:43

तां यीशुये अपणे चेलयां जो अप्पूँ ला सद्दीने तिन्हांने गलाया, “हऊँ तुहांजो सच्च बोलां भई मन्दरा रिया दान-पेट्टिया च पाणे औल़यां चते इस गरीब विधवे सब्बीं ते जादा दान दित्या;