मरकुस 12:12 - बिलासपुरी नौआं नियम

¹² तां यहूदी अगबेयां यीशुये जो पकड़ना चाहया; काँह्भई सै समझीगे थे भई इने आहंरे बारे च ये उदाहरण बोलीरा : पर सै लोकां ते डरे; कने तिस्सो छड्डिने चलीगे।

मरकुस 12:12 Referans Kwoze

मरकुस 11:18

ये सुणीने मुखियायाजक कने शास्त्री तिस्सो मारने री तरकीब सोचणे लगे; काँह्भई सै यीशुये ते डराँ थे, इस खातर भई सब लोक तिसरे उपदेशा ते हैरान हुआं थे।

यूहन्ना 7:44

तिन्हां चते कितणे तिस्सो पकड़ना चांह थे, पर किन्हिये तिसजो हात्थ नीं लाया।

यूहन्ना 7:30

तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

यूहन्ना 7:25

फेरी यरूशलेम च रैहणे औल़े किछ लोक बोलणे लगे, “क्या ये सैई माहणु निआं, तिस्सो जे यहूदी अगुवे मारने रा जतन करी रायें?

मरकुस 11:32

कने जे अहें बोलिये, माहणुआं रिया तरफा ते तां क्या हूणा, सै डरां थे भई जे तिन्हें येढ़ा बोल्या तां लोकां तिन्हांरे खातर परेशानी खढ़ी करनी, काँह्भई बौहत सारे लोकां जो इसा गल्ला रा यकीन था भई यूहन्ना हकीकत च इक भविष्यवक्ता था।

मत्ती 22:22

ये सुणी ने सै चम्भे च पैईये कने तिस्सो छड्डिने चलीगे।

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 20:6

कने जे अहें इसने गलांगे भई सै सिर्फ माहणुयें दितिरा, तां तिन्हां लोकां अहां पर पत्थर मारने, काँह्भई ये सचमुच जाणाँ ये भई यूहन्ना इक भविष्यवक्ता था।”

मत्ती 21:26

पर जे अहें गलाया, ‘माहणुये ते’ तां अहांजो लोकां रा डर आ, काँह्भई सै यूहन्ने जो इक भविष्यवक्ता मन्नां ये।”