मरकुस 12:1 - बिलासपुरी नौआं नियम

¹ फेरी यीशु उदाहरण देईने मुखियेयाजकां, यहूदी शास्त्रियां कने यहूदी स्याणयां जो बोलणे लगया : “किसी माहणुये अंगूरां रा बगीचा लगाया, कने तिसरे चऊँ पासयां बाड़ बन्ही, कने अंगूरां रा रस निकाल़णे खातर इक कोहलू लगाया। तिने बगीचे री रखवाल़ी करने खातर इक गुम्मट बी बणाया; कने करसाणां जो तिसरा ठेका देईने प्रदेशा जो चलिग्या।

मरकुस 12:1 Referans Kwoze

मरकुस 13:34

ये तिस माहणुये साई आ, सै जे अपणे घरा ते दूर किति यात्रा पर जाया रा था, जाणे ते पैहले सै अपणे दास्सां ने बोलां भई घरा रा सारा प्रवन्ध तुहांजो करना चाहिन्दा। सै हर इक्की जो दस्सां भई तिस्सो क्या करना चाहिन्दा। फेरी सै द्वारपाला जो अपणिया वापसिया रे खातर त्यार रैहणे जो बोलां।”

मरकुस 4:2

कने सै तिन्हांजो उदाहरणां च बौहत सारियां गल्लां सखाणे लगया, कने अपणे उपदेशा च तिन्हांने गलाया,

मत्ती 25:14

फेरी ताहली जे मांह वापस औणा, स्वर्गा रा राज तिस माहणुये साई हूणा तिने जे परदेश जान्दे हुये अपणे सेबकां जो सद्दीने अपणी जायदात तिन्हांले सौंपीती।

प्रेरितां 7:38

“ये सैई आ, तिने जे सुनसान जगह च सभा रे बिच अहांरे पूर्वजां ने सौगी कने तिस स्वर्गदूता ने मौजूद था तिने जे सिनै पहाड़ा पर तिसने गल्लां कित्तियां। इने इ अहांजो देणे रे खातर परमेशरा ते जीवन देणे औल़े वचन पाये थे।

लूका 19:12

यीशुये फेरी इक कहाणिया च गलाया, “इक अमीर माहणु किति दूर देशा जो चलया ताकि राजे री पदवी पाईने वापस अपणे देशा च आई जाओ।

लूका 15:13

किछ दिनां ते बाद, तिने छोट्टे मुण्डुये अपणा सारा समान बन्हील्या कने किति दूर देशा जो चलिग्या, कने तिसा जगह बुरे कम्मां च फसीने तिने अपणा सारा पैसा गवाईत्या।

लूका 8:10

तिने जवाब दित्या, “तुहांजो परमेशरा रे राज्जा री छुपी रियां गल्लां जो समझणे री अक्कल दितिरी। पर हऊँ इन्हां कहाणियां रा इस्तेमाल बाहरल्यां लोकां ते इस बारे च सब किछ छिपाणे खातर करया राँ, ताकि पवित्र शात्रा रा लिखिरा पूरा हुई सक्को: ‘सै देखां ये भई हऊँ क्या कराँ, पर सै हकीकता च नीं देखदे; सै सुणां ये भई हऊँ क्या बोलां, पर सै तिन्हां रिया समझा च नीं औन्दा।’

मत्ती 21:28

“अच्छा दस्सा तुहें लोक इसरे बारे च क्या सोच्चां ये? इक्की माहणुये रे दो पुत्र थे; सै बड्डे ले गया कने गलाया, ‘बेटा आज्ज मेरे अंगूरां रे बगीचे च जा कने काम्म कर।’

लूका 22:9

तिन्हे यीशुये ते पुच्छया, “तुहें किति चाँये भई अहें खाणा बणाईये?”

मत्ती 13:3

कने तिने तिन्हांजो उदाहरणां च कई सारी गल्लां गलाईयां, “इक करसाण ब्यू बाहणे निकल़या।

मत्ती 21:33

“इक होर उदाहरण सुणा: इक जमीनदार था, तिने अंगूरां रा इक बगीचा लगाया, कने तिसरे चऊँ पासयां बाड़ लाईती, फेरी अंगूरां रा रस नकाल़णे जो इक खड्डा खुणया कने तिसरिया रखवाल़िया रे खातर इक ऊच्ची दवाल बणाई, फेरी बगीचा ठेकेदाराँ जो ठेके पर देईने अप्पूँ दूर प्रदेशा जो चलिग्या।

मत्ती 21:34

ताहली जे अँगूर तोड़ने रा बगत आया तां बगीचे रे मालके ठेकेदाराँ ले अपणा दास भेज्या ताकि तिन्हाते सै अपणे हिस्से रे अँगूर ली आओ।

मरकुस 3:23

इस खातर यीशु तिन्हांजो नेड़े सद्दीने तिन्हांने उदाहरणा च गलाणे लगया, “शैतान अपणिया बुरिया आत्मा जो नीं कड्डी सक्कां,

मरकुस 11:33

इस खातर तिन्हे यीशुये जो जवाब दित्या, “अहें नीं जाणदे।” यीशुये तिन्हांजो गलाया, “मांह बी तुहांजो नीं दसणा भई हऊँ ये काम्म किस अधिकारा ने कराँ।”