मरकुस 1:32 - बिलासपुरी नौआं नियम

³² दिन घरने ते बाद संझा रे वगत किछ लोक येढ़यां लोकां जो यीशुये ले ल्याये सै जे बमार थे, कने तिन्हां च जे बुरीआत्मां थिआं।

मरकुस 1:32 Referans Kwoze

मत्ती 8:16

ताहली जे सान्झ हुई तां सै तिसले मते सारे येढ़े लोकां जो ल्याये तिन्हां च जे बुरीआत्मां थिआं कने किछ बमार थे तिने तिन्हां आत्मां जो अपणे वचना ने बाहर कड्डित्या; कने सारे बीमाराँ जो ठीक कित्या।

लूका 4:40

संजके जुन्ना ताहली जे सूरज घरने लग्या, सारे लोक सै जे कई किस्मा री बमारियां ते जकड़ोईरे थे, सै सारे मरीजां जो यीशुये ले ली आये, कने तिने हर इक्की-इक्की मरीजा जो तिन्हां पर हत्थ रखीने ठीक कित्या।

मरकुस 3:2

तिन्हां चते किछ फरीसी यीशुये पर दोष लगाणे रे खातर कोई इक वजह टोल़ीरां थे, इस खातर सै तिस्सो ध्यान्ना ने देखणे लगे भई सै विस्राम रे दिन तिस्सो ठीक करगा कि नीं।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 1:21

यीशु कने तिसरे चेले कफरनहूम नगरा च आये, कने सै इकदम विस्राम रे दिन, यहूदी सभा घरा च जाईने उपदेश देणे लगया।

मत्ती 8:17

ये इस खातर हुया ताकि परमेशरे यशायाह भविष्यवक्ता रे जरिये जो बी किछ गलाया था सै पूरा ओ : “तिने अहां रियां कमजोरियां जो खुद भोग्या कने अहांरे रोगां रा बोझ चक्कया।”

मरकुस 1:31

तां यीशुये तिसारे नजदीक जाईने तिसारा हात्थ पकड़ीने तिसाजो ठुआलया; तां तिसारा बुखार उतरीग्या। कने सै तिन्हांरी सेवा-टैहल करने लगी।

लूका 4:41

कने बुरीआत्मायें रड़ान्दी हुई कने ये बोलदी हुई, भई “तू परमेशरा रा पुत्र आ,” बौहत लोकां चते निकल़ी गियां, पर सै तिन्हाजो थिड़कां था कने बोलणे नीं देन्दा था, काँह्भई बुरी आत्मा जाणाँ थिआं, भई सै मसीह आ।