मरकुस 1:26 - बिलासपुरी नौआं नियम

²⁶ फेरी बुरीआत्मा तिस्सो मरोड़ीने, कने बड़े जोरा ने रड़ांदे हुये तिस चते निकल़ीगी।

मरकुस 1:26 Referans Kwoze

मरकुस 9:26

तां बुरी आत्मा चिल्लाया कने तिस्सो बौहत मरोड़ीने, निकल़ीगी; कने मुण्डु मूईरेयां साई दिख्या, येत्थी तकौ भई बौहत लोक बोलणे लगे भई ये मरीगरा।

मरकुस 9:20

इस खातर सै मुण्डुये जो यीशुये ले ली आये, कने तंजे बुरीआत्मे यीशुये जो देख्या, तां तिसे इकदम मुण्डुये जो मरोड़या; कने मुण्डु धरतिया पर पैईग्या, कने मुँआं ते झगूड़ नकाल़णे कने मरेलणे लगया।

लूका 11:22

पर ताहली जे तिसते बी जादा ताकतवर कोई तिस पर हमला करीने तिस्सो जित्ति लेआं, तां तिसरे सै हथियार तिन्हां पर जे तिसरा भरोसा था, खोई लेआं, कने तिसरी दौलत लुट्टी ने बन्डी देआं।

लूका 9:42

सै मुण्डु हल्तियें आई इ कराँ था भई तिने बुरे आत्मे तिस्सो पकड़ीने धरतिया पर पटकाया कने तिस्सो बुरे हाल्लें मरोड़ने लगया, पर यीशुये बुरीआत्मा जो थिड़क्या कने मुण्डुये जो ठीक करीने तिस्सो तिसरे पिता ले साम्भीत्या।

लूका 9:39

कने देख इक बुरीआत्मा तिस्सो बार-बार पकड़ां इ, कने तिसरिया वजह ने सै इकलगत रड़ाणे लगी जां, सै बुरीआत्मां तिस्सो इस तरिके ने मड़ेकां इ भई तिसरे मुँआं ते झगूड़ निकल़णे लगां, कने तिस्सो मरोड़ीने नाश करना चाईं।

मरकुस 1:25

यीशुये तिस्सो थिड़की ने गलाया, “चुप रै! कने तिस चते निकल़ी जा।”

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”