मरकुस 1:23 - बिलासपुरी नौआं नियम

²³ ताहली जे यीशु शिक्षा देई ही कराँ था, तां अचानक तिन्हांरे यहूदी सभा घरा च इक माहणु आया, तिसच जे इक बुरीआत्मा थी।

मरकुस 1:23 Referans Kwoze

मरकुस 9:25

तंजे यीशुये देख्या भई होर बी लोक अहांजो देखणे खातर कट्ठे हुया रायें, तां तिने बुरीआत्मा जो येढ़ा बोलीने झिड़कया, “गूँगा कने बैहरा करने औल़ी आत्मा, हऊँ तिज्जो हुक्म देआं, इस चाते निकल़ी जा, कने इसच भीं ते कदीं बी देखां जांदी।”

मरकुस 7:25

कने इकदम इक जनाना तिसारिया छोट्टिया कुड़िया च जे बुरीआत्मा थी, तिसरी चर्चा सुणीने आई, कने तिसरे पैराँ पईगी।

मरकुस 5:2

कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या।

मरकुस 1:34

तिने बौहत लोकां जो सै जे कईयां बमारियां ते दुखी थे, ठीक कित्या, कने कई सारी बुरीआत्मां जो कड्डया; कने बुरीआत्मां जो बोलणे नीं दित्या, काँह्भई सै जाणा थिआं, भई यीशु परमेशरा रिया तरफा ते आईरा।

मत्ती 12:43

“ताहली जे कोई बुरीआत्मा किसी माहणुये जो छड्डां इ, तां सै आराम पाणे रिया खोज्जा च सुनसान जगह टोल़दी फिराँ इ, पर सै तिसाजो नीं मिली पान्दी।

मरकुस 1:22

कने लोक तिसरे उपदेशा ते हैरान हुईगे; काँह्भई सै तिन्हांजो व्यवस्था रे सखाणे औल़यां साई नीं, पर अपणे अधिकारा ने सखां था।

मरकुस 1:24

तिने चिल्लाई ने गलाया, “हे यीशु नासरी, अहांजो तेरते क्या काम्म आ? क्या तू अहांरा नाश करने आईरा? हऊँ तिज्जो जाणाँ, भई तू कुण आ, तू परमेशरा रा पवित्र पुत्र आ!”

मरकुस 1:29

यीशु इकदम याकूब कने यूहन्ने सौगी यहूदी सभा घरा ते निकल़ीने शमौन कने अन्द्रियासा रे घरें गया।

मरकुस 1:39

कने तिने गलील प्रदेशा रे बौहत सारयां लाकयां च कने तिन्हांरे यहूदी सभा घराँ च जाईने प्रचार कित्या कने बुरीआत्मां जो कड्डया।