मरकुस 1:1 - बिलासपुरी नौआं नियम

¹ ये यीशु मसीह रे बारे च खुशखबरिया री शुरुआत इ, सै जे परमेशरा रा पुत्र आ।

मरकुस 1:1 Referans Kwoze

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 4:3

तां परखणे औल़े शैताने नेड़े आईने तिसजो गलाया, “जे तू परमेशरा रा पुत्र आ, तां इन्हां पत्थराँ जो हुक्म देईने साबित कर, भई ये रोटियां बणी जो, ताकि तू खाई सक्को।”

मत्ती 14:33

किश्तिया परा रे लोकें यीशुये री अराधना करीने बोल्या, “तू सच्ची जो परमेशरा रा पुत्र आ।”

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 6:69

कने अहें तूह पर विश्वास कित्या कने ये जाणीगे भई परमेशरा रा पवित्र पुत्र तूई हाया।”

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

यूहन्ना 1:49

नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।”

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

लूका 1:35

इसा गल्ला पर स्वर्गदूते तिसाजो जबाब दित्या, “पवित्र आत्मा तेरे ऊपर उतरना, कने परमप्रधान परमेशरा री महान सामर्थ तू पर छाणी। इस खातर तेरते सै जे न्याणा जमणा सै पवित्र हूणा, कने सै परमेशरा रा पुत्र कहलाया जाणा।

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

प्रेरितां 1:22

यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।”

प्रेरितां 13:24

तिसरे औणे ते पैहले यूहन्ने सबनीं इस्राएलियां जो प्रचार कित्या भई अपणे पापां ते मन फिरावा कने बपतिस्मा लौआ, तां परमेशरा तुहांरे पाप माफ करने।