मत्ती 7:2 - बिलासपुरी नौआं नियम

² काँह्भई जिस तरिके ने तुहें इल्जाम लगां ये, तियां इ परमेशरा तुहांरा बी न्याय करना; कने तियां जे तुहें दुज्जेयां रा न्याय कराँ ये, तियां इ तुहांरा बी न्याय हूणा।”

मत्ती 7:2 Referans Kwoze

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

मरकुस 4:24

फेरी तिने तिन्हांने गलाया, “चकन्ने रौआ भई तुहें मेरते क्या सुणां यें? जितने ध्यान्ना ने तुहें सुणगे, उतणी ही जादा समझ तुहांजो दित्ति जाणी वल्कि परमेशरा तुहांजो उसते बी जादा समझ देणी।

लूका 6:38

लोकां जो खरियां चिज़ां देआ करा, तां परमेशरा तुहांजो बी खरियां चिज़ां देणियां; लोकां पूरा नाप दबाई-दबाई ने कने हिलाई-हिलाई ने कने उभरदा हुआ तुहांरिया गोदा च पाणा, काँह्भई जिस नापा ने जे तुहें नाप्पां ये, तिसने इ तुहांरे खातर बी नापया जाणा।”

प्रकाशितवाक्य 18:6

तियां जे तिने तुहांजो दित्तिरा, तियां इ तिसजो देआ, कने तिसरे कम्मां रे मुतावक तिस्सो दो गुणा बदला देआ; तिस कटोरे चते जे तिने भरी तरा था, तिस ची तिसरे खातर दो गुणा भरी दे।

2 कुरिन्थियों 9:6

इसजो याद रखा, सै जे थोड़ा बाँह, सै थोड़ा इ कटगा; कने सै जे जादा बाँह, सै जादा कट्टां।

मत्ती 6:14

“इस खातर जे तुहें लोकां रे पाप माफ करगे, तां तुहांरा पिता सै जे स्वर्गा चा तुहांरयां पापां जो बी माफ करगा।