मत्ती 3:2 - बिलासपुरी नौआं नियम

² “अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 3:2 Referans Kwoze

मत्ती 4:17

तिस बगता ते यीशुये प्रचार करना कने ये बोलणा शुरु कित्या : “अपणे पापां ते मन फिरावा काँह्भई परमेशरा रा राज नेड़े आईरा।”

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

मत्ती 6:10

तू संसारा रे सारे माहणुआं कने सारियां चिज़ां पर राज करो। तेरी इच्छा तियां जे स्वर्गा च पूरी हुआं इ, तियां इ धरतिया पर बी पूरी ओ

2 कुरिन्थियों 7:10

काँह्भई सै दुख जे परमेशरा रिया इच्छा रे मुतावक मिलां, सै इक येढ़े मन फिराव जो जन्म देआं तिसरा नतीजा जे छुटकारा कने फेरी तिस्सो पछताणे नीं पौन्दा। पर संसारिक दुख मौती जो जन्म देआं।

मत्ती 10:7

कने तिन्हांजो ये उपदेश देयों भई परमेशर अहां सब्बीं लोकां पर राज करने जो बड़े जल्दी आई कराँ।

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 13:3

येढ़ा विल्कुल बी निआं! पर जे तुहें बी बुरे कम्मां जो छड्डिने अपणा मन परमेशरा री तरफा जो नीं फिराँगे, तां तुहां सारयां बी येढ़िया इ मौती मरना तियां जे सै मरे थे।

लूका 11:20

कने जे हऊँ परमेशरा रिया शक्तिया ने बुरीआत्मा नकाल़ां, तां समझील्वा भई परमेशरा रा राज तुहांरे बिच आई पुज्जीरा।

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मत्ती 13:47

स्वर्गा रा राज मच्छी पकड़ने खातर नदिया च पाईरे इक्की जाल़ा साई आ, तिसच कई किस्मा री मच्छियां पकड़ोईयां।

मत्ती 13:33

तिने इक होर उदाहरण तिन्हांजो सणवाया : “स्वर्गा रा राज फैल्लीरे मलेड़े साई आ तिसजो किसी जनाने बौहत सारे आट्टे च मलाया कने तदुआं तक सै रखी रखया तदुआं तक जे सै सारे रा सारा आट्टा मलेड़ा नीं बणीग्या।”

मत्ती 12:41

न्याय रे दिन नीनवे नगरा रे निवासी आज किया इसा पीढ़िया रे लोकां सौगी खड़िरयां हूणा कने सै दोषी बनाणे, काँह्भई नीनवे रे लोकें योना रा प्रचार सुणीने मन बदलया था; कने देक्खा, येत्थी सै आ सै जे योना ते बी बड्डा, पर तुहें मन बदलने जो त्यार नींये।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

लूका 15:7

हऊँ तुहांजो बोलां; भई इयां इ, इक मन फिराणे औल़े पापिये रे बारे च बी स्वर्गा च आनन्द हूणा, जितना जे भई तुहां साई नड़िनुये लोकां खातर नीं हुन्दी सै जे सोच्चां ये भई अहें धर्मी ये, तिन्हाजो जे बुराईया ते मन फिराणे री जरूरत नीं।”

लूका 13:5

नां! पर हऊँ तुहांजो फेरी भीं बोलां भई जे तुहें अपणे पापां ते मन नीं फिराँगे, तां तुहां सारयां बी तियां इ मरना।”

लूका 9:2

कने तिन्हौं परमेशरा रे राज्जा रा प्रचार करने कने बमार माहणुआं जो तिन्हांरियां बमारियां ते चंगा करने खातर भेज्या।

मरकुस 6:12

इस खातर फेरी चेले लग-लग नगरा च गये कने तिन्हें लोकां च ये प्रचार कित्या भई तुहांजो अपणे पाप छडणे चाहिन्दे कने परमेशरा खा मुड़ना चाहिन्दा।

मरकुस 1:4

यशायाह भविष्यवक्ते जिस सनेहा देणे औल़े माहणुये रे बारे च लिखया था ये सै यूहन्ना था, तिसजो जे लोक बपतिस्मा देणे औल़ा बोलां थे। सै जे सुनसान जगह च बपतिस्मा देआं, कने लोकां जो ये प्रचार कराँ था भई “अपणे पापी स्वाभावा जो बदला कने मांह तुहांजो बपतिस्मा देणा, तां परमेशरा तुहांरे पाप माफ करने।”

मत्ती 5:10

परमेशर तिन्हां लोकां जो आशीष देआं, सै जे परमेशरा रिया इच्छा रे मुतावक जीणे रिया बजह ने मुशीवत झेल्लां ये, काँह्भई परमेशर तिन्हां पर राज कराँ।”

मत्ती 5:3

“परमेशर तिन्हां लोकां जो आशीष देआं, सै जे जाणाँ ये भई तिन्हौं परमेशरा री जरूरत इ, काँह्भई सै तिन्हां पर राज कराँ।

प्रकाशितवाक्य 2:21

मैं तिसाजो तिसारे व्यभिचारा ते मन फिराणे रा वगत दित्तिरा, पर सै मन नीं फिराणा चाहन्दी।

मत्ती 13:31

यीशुये तिन्हांजो इक होर उदाहरण दित्या : “स्वर्गा रा राज राईया रे छोट्टे जे दाणे रे बराबर आ, तिसजो किसी माहणुये लेईने अपणे खेतां च बाहीत्या।

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

मत्ती 6:33

इस खातर तुहें परमेशरा रे राज्जा कने सच्चाईया ने जीणे जो तियां जे परमेशर चाँह सब्बीं ते पैहला दर्जा देआ, तां ये सारी चिज़ां तुहांजो मिली जाणियां।

प्रकाशितवाक्य 2:5

याद रख तू गिरने ते पैहले कित्ती था। पापां ते मन फिरा कने सैई कर सै जे तू पैहले कराँ था। जे तू मन नीं फिराँगा, तां मांह तेरले औणा कने तेरे दीपदान्ना जो तिसरिया जगह ते हटाई देणा।

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

मत्ती 22:2

“परमेशरा रा राज इक राजे साई आ तिने जे अपणे बेटे रे ब्याह च धाम दित्ति।

मत्ती 25:1

फेरी यीशुये अपणयां चेलयां ने बोल्या, ताहली जे माहणुये रे पुत्रा यनि मांह वापस औणा ताहली स्वर्गा रा राज तिन्हां दस कन्यां साई हूणा सै जे मशालां लेईने लाड़े ने मिलणे जो आईयां।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मत्ती 20:1

स्वर्गा रा राज इस उदाहरणा साई आ: एक जमीनदार था सै जे अपणे अंगूरां रे बगीचे च मजदूरां जो लगाणे रे खातर बौहत भ्यागा घरा ते निकल़या।

मत्ती 18:23

“हऊँ तुहांजो ये बोलां, स्वर्गा रे राज्जा री तुलना तिस राजे ने कित्ती जाई सक्कां इ तिने जे अपणे दास्सां ने हिसाब-कताब चुकता करने री सोच्ची थी।

मत्ती 11:20

फेरी यीशुये तिन्हां नगराँ रे लोकां जो फटकारया तिन्हां च जे तिने बौहत सारे सामर्था रे काम्म कित्तिरे थे, काँह्भई तित्थी रेआं लोकें पाप करना नीं छडया।

लूका 21:31

तियां इ ताहली जे तुहें इन्हां गल्लां जो हुन्दे देखो, तां जाणी लेओं भई परमेशरा रा राज औणे औल़ा।

लूका 16:30

तिने गलाया, नां; पिता अब्राहम! पर जे कोई मरीरेआं चा ते तिन्हाले जाईने तिन्हांजो चेतावनी देओ, तां तिन्हां अपणयां पापां ते मन फिराणा।

मत्ती 25:14

फेरी ताहली जे मांह वापस औणा, स्वर्गा रा राज तिस माहणुये साई हूणा तिने जे परदेश जान्दे हुये अपणे सेबकां जो सद्दीने अपणी जायदात तिन्हांले सौंपीती।

मत्ती 13:24

यीशुये भीड़ा जो इक होर उदाहरण दित्या। तिने बोल्या, “ताहली जे परमेशरे अप्पूँजो राजे रे रुपा च दसणा शुरु कित्या, सै खेता रे इक्की मालका साई आ तिने जे अपणे दास्सां जो अपणे खेता च खरे ब्यू बाहणे जो भेज्या।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

लूका 1:16

ताहली जे तिस बड्डे हुई जाणा, ताहली तिस अपणे प्रचारा ते मते सारयां इस्राएली लोकां जो तिन्हारे प्रभु परमेशरा पासे लैई औणा।