मत्ती 3:1 - बिलासपुरी नौआं नियम

¹ तिन्हें दिनें यूहन्ना बपतिस्मा देणे औल़ा आईने यहूदिया रे सुनसान जगह च ये प्रचार करने लगया :

मत्ती 3:1 Referans Kwoze

लूका 1:76

कने बालक, तू परमप्रधान परमेशरा री भविष्यवाणी करने औल़ा माहणु पुकारया जाणा, काँह्भई तू प्रभुरे अग्गे-अग्गे चलना कने तिसरे औणे खातर लोकां जो त्यार करना।

मत्ती 11:11

“हऊँ तुहांजो सच्च बोलां, जितने बी माहणु संसारा च रैईरे तिन्हां चते बपतिस्मा देणे औल़े यूहन्ने ते महान कोई माहणु पैदा नीं हुया; फेरी भीं स्वर्गा रे राज्जा च छोट्टे ते छोट्टा माहणु बी यूहन्ने ते महान आ।

मरकुस 1:15

कने तिने गलाया, “हुण बगत आईग्या ताहली जे परमेशरा अपणयां लोकां पर राज करना; इस खातर अपणे पापी स्वभावा जो छड्डा कने खुशखबरिया पर विश्वास करा।”

मत्ती 16:14

तिन्हे बोल्या, “किछ बोलां ये भई तू बपतिस्मा देणे औल़ा यूहन्ना, कने किछ बोलां ये भई तू एलिय्याह कने किछ होर बोलां ये भई तू यिर्मयाह या भविष्यवक्तयां चते कोई इक आ।”

प्रेरितां 1:22

यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।”

लूका 7:24

जिस बगत यूहन्ना रा सनेहा ल्यौणे औल़े यीशुये लाते चलिये, तां यीशु यूहन्ना रे बारे च लोकां ने बोलणे लगया, “ये माहणु कुण आ तिस्सो जे तुहें सुनसान जगह च देखणे गये थे? क्या तुहें तिन्हां चते इक सरकन्डे साई कमजोर माहणु देख्या, सै जे हवा रे हर लवाटे ने हिल्लां?

मत्ती 11:7

ताहली जे यूहन्ने रे चेले तित्थी ते दूर जाया रां थे, तां यीशु यूहन्ने रे बारे च लोकां रिया भीड़ा ने बोलणे लगया, “तुहें इस सुनसान जगह च क्या देखणे गै थे? तुहें तित्थी हवा च हिलदे किसी लम्बे घा जो देखणे तनी गये थे!

मत्ती 3:8

जे तू सही माईने च अपणे पापां ते मन फिराया राँ, तां अपणे भल़यां कम्मां ते तिसजो दस्स;

मत्ती 21:32

ये हऊँ इस खातर बोलीराँ काँह्भई बपतिस्मा देणे औल़ा यूहन्ना परमेशर तियां जे अपणयां लोकां ते जीवन जीणे री आशा रक्खां तियां तुहांजो जीणा सखाणे रे खातर आया, कने तुहें तिस पर विश्वास नीं कित्या; पर कर लेणे औल़यां कने बेश्यां तिस पर विश्वास कित्या : तुहें ताहली जे ये देख्या भई यूहन्ने क्या कित्या, तां बी अपणे पापां ते मन नीं फिराया कने नांई तिसरे सन्देशा पर विश्वास कित्या।

मरकुस 1:2

तियां जे यशायाह भविष्यवक्ते कताबा च, परमेशरे अपणे पुत्र मसीह जो गलाया भई : “देख, हऊँ अपणा सनेहा देणे औणे जो तेरते पैहले भेज्यारां, सै माहणुआं जो तेरा स्वागत करने खातर त्यार करगा।