मत्ती 26:3 - बिलासपुरी नौआं नियम

³ तां मुखियायाजक कने बजुर्ग नेता कैफा नौआं रे महायाजका रे घरा रे अंगणा च कट्ठे हुये,

मत्ती 26:3 Referans Kwoze

यूहन्ना 18:24

फेरी हन्ने यीशुये जो बझीरे जोई महायाजक कैफा लौ भेजित्या।

मरकुस 14:54

पतरस दूरा-दूरा ते तिसरे पिछे-पिछे महायाजका रे अंगणा रे अन्दरा तक गया, कने पैहरेदाराँ सौगी बैठीने आग्ग सेकणे लगया।

यूहन्ना 18:28

फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

यूहन्ना 11:57

मुखियायाजकें कने फरीसियें यीशुये जो गिरफ्तार करने रे मकसदा ने ये हुक्म दित्या था भई जे किसी माहणुये जो पता चली जो भई यीशु किति आ? तां सै इसरी सूचना अहांजो देओ, ताकि अहें तिस्सो पकड़ी सक्को।

लूका 3:2

तिन्हां दिनां च मुखियायाजक त हन्ना कने कैफा थे, तां तिस वगत परमेशरा रा सन्देश सुनसान जगह बिच जकर्याह रे पुत्र यूहन्ना ले पुज्जया।

मत्ती 26:69

पतरस हल्तियें बाहर अंगणा च इ नीचे बैठिरा था भई इक दासी तिसले आई कने गलाया, “तू बी त तिस गलीली यीशुये सौगी था।”

मत्ती 27:27

फेरी पिलातुस राजपाला रे सपाई यीशुये जो किले च लेईये कने सपाईयां री सारी पलटन यीशुये रे चऊँ पासयां कट्ठी हुईगी,

मरकुस 14:66

ताहली जे पतरस महायाजका रे घरा रे अंगणा च था, तां महांयाजका रे घरें काम्म करने औल़ी इक दासी तिसले आई,

मरकुस 15:16

फेरी पिलातुस रे सिपाही यीशुये जो मैहला रे अंगणा च (यनि तित्थी जे पिलातुस राजपाला रा मुख्याल्य) लईगे, कने तिन्हें इक सारिया पलटना जो इक साथ सद्दया।

लूका 22:55

पैहरेदारें अंगणा च आग्ग बाल़ी कने तिसारे चऊँ पासयां बैठीगे, कने पतरस बी तिन्हारे बिच जाईने बैठिग्या।