मत्ती 16:3 - बिलासपुरी नौआं नियम

³ कने सूरज उगणे पर तुहें बोलां ये, ‘आज तूफान औणा, काँह्भई अकाश धुंधला कने लाल आ।’ तुहें अम्बरा रे लक्षणां जो पढ़ना जाणाँ ये, पर अपणे बगता रे लक्षणां जो नीं पढ़ी सकदे।

मत्ती 16:3 Referans Kwoze

लूका 12:56

कपटियो, तुहें धरतिया कने अम्बरा रे रंग रुपा च फर्क देक्खी सक्कां ये, पर इस जुगा च परमेशर क्या करया रां इसरा बखान करना नीं जाणदे?

लूका 13:15

पर येढ़ा सुणीने प्रभु यीशुये जबाब दित्या, “कपटियो! क्या तुहां चाते सारे इ विस्राम रे दिन काम्म नीं कराँ ये! क्या तुहें इस दिन अपणे बच्छुआं या गधे जो खुण्डा ते छड्डिने पाणी प्याणे नीं लेई जान्दे?

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

लूका 11:44

“तुहांजो बौहत भयानक सजा मिलणी! काँह्भई तुहें खेतां च दबोईरी तिन्हां कब्राँ साई ये, तिन्हां पर जे लोक अनजाणे च चलां ये कने नीं जाणदे भई तिन्हां कब्राँ च कितणी सड़ी रियां चिज़ां इयां।”

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मत्ती 22:18

यीशु तिन्हारे बुरे इरादे जाणीने गलाया, “कपटियो, तुहें मिन्जो कजो परखणा चाँये?

मत्ती 15:7

ओ कपटियो, तुहांरे बारे च यशायाह भविष्यवक्ते ठीक इ भविष्यवाणी कित्तिरी थी, तिने बोल्या था :

मत्ती 7:5

अरे कपटी! पैहले तू अपणिया बुराईया जो अपणे अन्दरा ते निकाल़, फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।