मत्ती 10:8 - बिलासपुरी नौआं नियम

⁸ सै बमार लोकां जो ठीक करो, मूईरयां जो जिन्दगी देओ, कोढ़ियां जो चंगा करो, कने बुरीआत्मां जो कड्डो। किसी ते सेवा रे बदले च पैसा नीं लेणा काँह्भई परमेशरे तुहांरी सहायता रे बदले च किछ नीं लेईरा।

मत्ती 10:8 Referans Kwoze

प्रेरितां 3:6

तां पतरसे गलाया, “चाँदी कने सोना त मेरले निआं, पर जो किछ मेरले आ तिस्सो हऊँ तिज्जो देआं; यीशु मसीह नासरिये रे नौआं ते उट्ठ कने चल फिर।”

प्रेरितां 4:30

चंगा करने खातर तू अपणा हाथ अग्गे कर भई चमत्कारी नशाण कने हैरान करने औल़े काम्म तेरे पवित्र दास यीशुये रे नौआं ते कित्ते जाओ।”

लूका 10:9

तिस नगरा रे बमाराँ जो चंगा करा, कने तिन्हाजो बोल्ला भई, हुण परमेशरा रा राज तुहांरे नेड़े आई पुज्जीरा।

मत्ती 10:1

इस खातर यीशुये अपणे बारा चेलयां जो अप्पूँ ले सद्दीने, तिन्हांजो बुरीआत्मा जो बाहर कडणे कने कई किस्मा रे रोगां कने दुख तकलीफां जो दूर करने रा अधिकार दित्या।

मरकुस 16:18

जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

मत्ती 10:7

कने तिन्हांजो ये उपदेश देयों भई परमेशर अहां सब्बीं लोकां पर राज करने जो बड़े जल्दी आई कराँ।

मत्ती 10:9

अपणिया जेबा च न त सोना, न त चान्दी, न ताँबा रखयों;