लूका 9:52 - बिलासपुरी नौआं नियम

⁵² तिने जाणे ते पैहले सामरियां रे गाँवां च किछ सनेहा देणे औल़यां जो भेज्या भई तिन्हारे खातर ठैहरने कने खाणे-पीणे रा इन्तजाम करा।

लूका 9:52 Referans Kwoze

मत्ती 10:5

यीशुये इन्हां बाराँ चेलयां जो कई लाकयां च अपणा सन्देश सुनाणे खातर भेजणे ते पैहले ये हुक्म दित्या : भई अन्यजातियां रे लाके च नीं जायों, कने सामरियां रे किसी नगरा च दाखल नीं हुयां।

लूका 17:16

सै मुँआं रे भार यीशुये रे पैराँ पर पैईने तिसरा धन्यवाद करने लगया; कने सै इक सामरी माहणु था।

लूका 10:33

पर इक माहणु बी सै जे सामरिया प्रदेशा ते था तिसा वाटे गया कने जिस बगत तिने तिस जख्मी माहणुये जो देख्या, कने तिस्सो तिस पर दया आईगी।

लूका 10:1

इन्हां गल्लां ते बाद प्रभु यीशु बहत्तर होर चेलयां जो चुणां कने तिस-तिस नगर कने जगहां पर जे तिने जाणे री योजना बणाई थी, ऊथी जाणे ते पैहले तिन्हां चेलयां जो दो-दो करीने अपणे अग्गे भेज्या।

यूहन्ना 8:48

ये सुणीने यहूदियें तिसने गलाया, “क्या अहांरा ये बोलणा ठीक नीं था भई तू सामरी आ, कने तूह च इक बुरीआत्मा इ?”

लूका 7:27

यूहन्ना सैई भविष्यवक्ता आ तिसरे बारे च जे पवित्रशास्त्रा च लिखिरा : परमेशर बोलां ‘देख, हऊँ अपणे सनेहा देणे औल़े जो तेरते पैहले भेजीरां, कने तिस तेरते पैहले जाईने तेरा स्वागत करने खातर लोक त्यार करने।’

लूका 17:11

यीशु अपणे चेलयां सौगी यरूशलेम नगरा जो जान्दे हुये, सामरिया कने गलील प्रदेशा रे बन्ने चींये जाया राँ था।

यूहन्ना 4:4

इस बार तिस्सो सामरिया प्रदेशा चींये जाणे पैया।

यूहन्ना 4:5

इस खातर सै सामरिया प्रदेशा रे इक नगर सूखार नगरा तक आया, ये नगर तिसा धरतिया ले था सै जे याकूबे अपणे मुण्डुये यूसुफा जो दित्तिरी थी;

यूहन्ना 4:9

तिसे सामरी जनाने तिस्सो हैरान हुईने गलाया, “तू त इक यहूदी आ, फेरी बी मांज सामरी जनाना ते पीणे खातर पाणी काँह मंगया दा?” काँह्भई यहूदी त सामरियां ने कोई बी सलबन्ध नीं रखदे।