लूका 9:19 - बिलासपुरी नौआं नियम

¹⁹ तिन्हे जबाब दित्या, “किछ लोक बोलां ये भई बपतिस्मा देणे औल़ा यूहन्ना भीं ते जिऊंदा हुईग्या, कने कोई-कोई एलिय्याह बोल्लां यें, कने किछ लोक येढ़ा बोल्लां यें भई पुराणे भविष्यवाणी करने औल़यां चते कोई इक जिऊंदा हुईग्या।”

लूका 9:19 Referans Kwoze

यूहन्ना 1:21

फेरी तिन्हें यूहन्ने ते पुच्छया, “जे तू मसीह नींआ तां सच्च क्या? क्या तू एलिय्याह भविष्यवक्ता?” तिने जबाब दित्या, “नां, हऊँ सै निआं।” यहूदियें इक होर स्वाल कित्या, “तां क्या तू सै भविष्यवक्ता सै जे औणे औल़ा?” तिने जबाब दित्या “नां।”

मरकुस 6:15

कने लोकें यीशुये रे बारे च गलाया, “ये एलिय्याह भविष्यवक्ता, तिसजो जे परमेशरे भीं ते भेजणे रा वायदा कित्तिरा था!” पर होर किछ लोकें गलाया, “ये भविष्यवक्तयां चते इक्की साई आ।”

मत्ती 14:2

तां तिने अपणे सेबकां ने गलाया, “ये बपतिस्मा देणे औल़ा यूहन्ना! सै जे मूईरयां ते जिऊंदा हुईग्या, इस खातर तिसले ये परमेशरा री शक्ति तिसा वजह ने जे सै सामर्था रे काम्म करया राँ।”

यूहन्ना 9:17

तिन्हे तिस अन्हे ने फेरी भीं गलाया, “तिसरे बारे च तू क्या बोलां काँह्भई तिने तेरिया आक्खीं च जोत पाई?” तिने गलाया, “सै त भविष्यवक्ता।”

यूहन्ना 7:40

फेरी भीड़ा चते किछ लोकें ये गल्लां सुणीने गलाया, “सच्चीजो येई सै भविष्यवक्ता तिसरे औणे री जे अहें उम्मीद करी रांये।”

यूहन्ना 1:25

तिन्हे तिसते ये स्वाल पुच्छया, भई “जे नां तू मसीह आ, न एलिय्याह, कने नांई सै भविष्यवक्ता, तां फेरी लोकां जो बपतिस्मा कजो देआं?”

मत्ती 3:1

तिन्हें दिनें यूहन्ना बपतिस्मा देणे औल़ा आईने यहूदिया रे सुनसान जगह च ये प्रचार करने लगया :

मरकुस 6:14

हुण राजा हेरोदेस अन्तिपासे बी तिन्हां कम्मां री चरचा सुणी सै जे यीशु करया रां था, काँह्भई बौहत सारे लोक तिसरे बारे च जाणां थे कने तिसरे बारे च चरचा करया राँ थे, भई “ये यूहन्ना बपतिस्मा देणे औल़ा हूणा चाहिन्दा! सै मूईरयां चते जिऊंदा हुईगरा! तिसले परमेशरा री शक्ति तिसा वजह ने जे सै सामर्था रे काम्म करया राँ।”

लूका 9:18

इक दिन यीशु भीड़ा जो छड्डिने सुनसान जगह च प्राथना करने गये कने तिन्हां सौगी तिन्हारे चेले बी थे, तां यीशुये तिन्हाते पुच्छया, “लोक मिन्जो क्या बोलां ये?”

लूका 9:20

यीशुये तिन्हाते दोबारा पुच्छया, “पर तुहें मिन्जो क्या समझां ये भई हऊँ कुण आ?” पतरसे जबाब दित्या, “तुहें परमेशरा रे भेजीरे मसीह ये!”