लूका 9:1 - बिलासपुरी नौआं नियम

¹ फेरी यीशुये अपणे बारा चेलयां जो सद्दीने कट्ठा कित्या कने तिन्हांजो सारी बुरीआत्मां कने बमारियां जो दूर करने री सामर्थ कने अधिकार दित्या,

लूका 9:1 Referans Kwoze

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

लूका 10:19

देक्खा, मैं तुहांजो सर्पां कने बिच्छुआं पर चलीने बी सुरक्षित रैहणे रा, कने दुश्मणां जो हराणे रा अधिकार देई दित्या; कने तुहांजो किसी बी चीज़ा ते कोई बी नुक्शान नीं हुई सकदा।

प्रेरितां 4:30

चंगा करने खातर तू अपणा हाथ अग्गे कर भई चमत्कारी नशाण कने हैरान करने औल़े काम्म तेरे पवित्र दास यीशुये रे नौआं ते कित्ते जाओ।”

मत्ती 16:19

मांह तुहौं मेरयां लोकां पर राज करने खातर परमेशरा ते अधिकार दिलाणा ताकि जो किछ तुहें धरतिया पर लोकां जो करने री अनुमति नीं देंगे तिस्सो करने री परमेशरा बी अनुमति नीं देणी, कने जो किछ तुहें धरतिया पर लोकां जो करने री अनुमति देंगे तिस्सो परमेशरा बी करने री अनुमति देणी।

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

प्रेरितां 9:34

पतरसे तिस्सो गलाया, “ओ एनियास! यीशु मसीह तिज्जो ठीक कराँ। उट्ठ, कने अपणे बिस्तरे जो कठेर।” तां सै झटपट उट्ठीने खड़ा हुई गया।

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 8:9

हऊँ ये जाणाँ काँह्भई हऊँ बी किसी रे अधीन काम्म कराँ; कने मेरे अधीन सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो बोलां भई ‘औ’ तां सै औआं; कने अपणे किसी दास्सा ने बोलूं भई ये कर, तां सै तिस्सो कराँ।”

लूका 10:1

इन्हां गल्लां ते बाद प्रभु यीशु बहत्तर होर चेलयां जो चुणां कने तिस-तिस नगर कने जगहां पर जे तिने जाणे री योजना बणाई थी, ऊथी जाणे ते पैहले तिन्हां चेलयां जो दो-दो करीने अपणे अग्गे भेज्या।