लूका 8:37 - बिलासपुरी नौआं नियम

³⁷ फेरी गिरासेनियों रे अक्खा-बक्खा रे सारेयां लोकें यीशुये ने बिनती किति, भई अहांरे इलाके ते चली जा; काँह्भई सै बड़े भरी डरी गरे थे। इस करीने सै किश्तिया पर चढ़ीने वापस चलिग्या।

लूका 8:37 Referans Kwoze

प्रेरितां 16:39

कने आईने तिन्हांते माफी मंगी, कने बाहर नेईने विनती किति भई नगरा ते चली जाओ।

लूका 10:16

“सै जे कोई तुहांरी सुणां, सै मेरी बी सुणां, कने सै जे कोई तुहांरा इन्कार कराँ, सै मेरा बी इन्कार कराँ; कने सै जे कोई मेरा इन्कार कराँ, सै मेरे भेजणे औल़े रा इन्कार कराँ।”

लूका 9:56

माहणुये रा पुत्र लोकां रे प्राणां जो नाश करने नीं आईरा पर तिन्हांरा छुटकारा करने आईरा।” फेरी ऊत्थी ते सै किसी होर गाँवां जो चलीगे।

लूका 9:5

जिस गाँवां रे लोक तुहांरा स्वागत नीं करो, तां तिसा जगह ते निकल़दे बगत अपणे पैराँ री धूड़ झाड़ी लेणी, तिसते जे तिन्हारे खलाफ गवाही हुई जाओ।”

लूका 8:28

जियां जे तिने यीशुये जो देख्या, सै रड़ाया कने तिन्हारे सामणे धरतिया पर पैईने ऊच्चिया अवाज़ा च बोलणे लगया, “हे यीशु, परमप्रधान परमेशरा रे पुत्र, तू मिन्जो कष्ट कजो देआं? हऊँ तुहांते बिनती कराँ भई मिन्जो सजा नीं दे!”

लूका 5:8

येढ़ा देखीने ताहली शमौन पतरस प्रभु यीशुये रे पैराँ च पैईया कने गलाया, “प्रभु जी, मेरे लाते चली जावा, काँह्भई हऊँ इक पापी माहणु आ कने तुहांरे सामणे रैहणे लायक निआं।”

मरकुस 5:17

कने सै यीशुये ने विनती करीने बोलणे लगे अहांरे इलाके ते चली जा।

मत्ती 8:34

कने नगरा रे सारे लोक यीशुये ने मिलणे जो निकल़ीने आईगे, कने तिस्सो देखीने विनती कित्ती, भई अहांरे इलाके ते बाहर निकल़ी जा।

लूका 8:36

कने देखणे औल़यां तिन्हांजो दस्या, भई बुरीआत्मा ते सताईरा ये माहणु किस तरिके ने ठीक हुया।

लूका 8:38

फेरी तिस माहणुये चते जे बुरीआत्मायें निकाल़ी रियां थी, सै तिसते बिनती करने लगया भई मिन्जो अप्पूँ कने रैहणे दे, पर यीशुये तिस्सो भेज्जीने गलाया,