लूका 8:35 - बिलासपुरी नौआं नियम

³⁵ कने लोक ये जे हुया था तिसजो देखणे निकल़े, कने यीशुये ले आईने तिस माहणुये ते जे बुरीआत्मां निकल़ियां थीं, तिस्सो यीशुये रे पैराँ ले कपड़े पैहनीरा कने होशा च बैठिरा देखीने डरीगे।

लूका 8:35 Referans Kwoze

लूका 10:39

तिसारी इक बैहण थी तिसारा नौं जे मरियम था, सै प्रभुरे चरणां च बैठीने तिन्हारे उपदेशा जो सुणयां कराँ थी।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

लूका 8:27

यीशु जिस बगत किश्तिया ते उतरी कराँ था, तिस बगत तिस नगरा रा इक माहणु तिन्हाजो मिलया सै जे बुरीआत्मां रे बशा च था। सै किसी घरा च नीं रैंहदा था, कने नंगा घुमदा फिरदा रैयां था। सै मतयां दिनां ते कब्रिस्तान च रेआं था।

लूका 15:17

ताहली जे सै अपणे होशा च आया, तां सै अपणे मना च सोचणे लगया, मेरे पिता रे घरें इतणे जादा मजदूर ये तिन्हांजो जे खाणे जो इतणी जादा रोटी मिलांई भई सै खाईने बी नीं मुकदी! पर इथी मेरे इतणे बुरे हाल ये भई हऊँ भुक्खा मरने लगीरा!

लूका 2:46

तिज्जे दिन यीशु तिन्हाजो मन्दरा रे अंगणा च मिलया, तित्थी सै यहूदी धर्म-गुरुआं सौगी बैठिरा था, कने तिन्हारी गल्लां सुणीने आत्मिक कने धार्मिक गल्लां रे बारे च स्वाल जबाब करी रां था।

मरकुस 5:15

यीशु तित्थी जे था तिसा जगह आईने लोकें तिस माहणुये जो तिसच जे बुरीआत्मां समाई रियां थिआं, कपड़े पैहनीरा कने होशा च बैठिरा देखीने डरीगे।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

लूका 8:34

चरवाहे ये जो किछ हुया था देखीने नट्ठे, कने नगरा च, कने गाँवां च जाईने तिसरी खबर सुणाई।