लूका 8:18 - बिलासपुरी नौआं नियम

¹⁸ इस खातर, सै जे मेरिया गल्ला जो ध्याना ने सुणां कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।”

लूका 8:18 Referans Kwoze

मत्ती 13:12

काँह्भई सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

लूका 19:26

इस पर राजे गलाया, तुहें ठीक गलाया, पर तिन्हाजो सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

मत्ती 25:29

काँह्भई सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

इब्रानियों 2:1

इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

1 कुरिन्थियों 14:37

जे कोई माहणु अप्पूँजो भविष्यवक्ता या आत्मिक माहणु समझो, तां ये जाणी लो भई सै जे गल्लां हऊँ तुहांजो लिखां, सै प्रभुये रा हुक्म आ।

1 कुरिन्थियों 8:2

जे कोई समझां भई सै ज्ञानी आ, तां हकीकत च सै हुण तक तियां जाणी नीं पाया तियां जे तिसजो जाणना चाहिन्दा।

1 कुरिन्थियों 3:18

कोई बी अप्पूँजो धोखा नीं देओ। जे तुहां चते कोई इस संसारा रियां गल्लां रे मुतावक अप्पूँजो ज्ञानी समझां, तां तिस्सो मूर्ख बणना चाहिन्दा ताकि सै ज्ञानी हुई सक्को।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 10:33

तां मैं तेरे ला झट-पट लोक भेजे, कने तैं भला कित्या भई आई गया। हुण येत्थी अहें सब परमेशरा रे सामणे, भई जो किछ परमेशरे तेरने बोलीरा तिस्सो सुणीये।”

लूका 9:44

“तुहें इन्हां गल्लां जो ध्याना ने सुणयों, काँह्भई माहणुये रा पुत्र यनि हऊँ अधिकारियां रे हत्था च पकड़वाया जणे औल़ा।”

फिलिप्पियां 3:4

पर हऊँ त अपणिया मेहणता पर बी भरोसा करी सक्कां। जे कोई होर अपणिया मेहणता पर भरोसा रखणे खातर सोच्चे तां हऊँ तिसते बी बधीने भरोसा रखी सक्कां।

मरकुस 13:14

“पढ़ने औल़ा समझी लो : इक दिन ताहली जे तुहें तिस ज्वाड़ने औल़ी गन्दी चीज़ा जो मन्दरा च खढ़ी रिया जो देखगे, तित्थी जे तिसा चीज़ा रा रैहणा ठीक नींआ, कने तिसरिया वजह ते जे मन्दर उजाड़ बणी जां। तां सै जे यहूदिया प्रदेशा च ओ सै पहाड़ा पर नट्ठी जायों।