लूका 7:21 - बिलासपुरी नौआं नियम

²¹ तिस बगत, तिन्हारे सामणे यीशुये मतयां बमाराँ जो ठीक कित्या, कने बुरीआत्मां ते छडुआईने चंगा कित्या कने मते अन्हे लोकां जो देखणे लायक बणाया।

लूका 7:21 Referans Kwoze

इब्रानियों 12:6

काँह्भई प्रभु तिसने जे प्यार कराँ, तिसजो सुधाराँ बी आ, कने तिस्सो जे सै अपणा बच्चा मन्नी लेआं, तिस्सो सुधारने रे खातर सजा बी देआं।”

मरकुस 5:34

यीशुये तिसाने गलाया, “पुत्री, तू ठीक हुईगी काँह्भई तैं विश्वास कित्या भई हऊँ तिज्जो ठीक करी सक्कां: बेफिक्र हुईने जा, कने तेरी दर्दनाक बमारी हुण नीं औणी।”

मरकुस 5:29

कने इकदम तिसारा खून बैहणा रुकिग्या, कने तिसाजो अपणे शरीरा च पता लगीग्या भई हऊँ इसा बमारिया ते ठीक हुईगी।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

लूका 7:20

तिन्हें दुईं चेलयां यीशुये ले आईने गलाया, “यूहन्ना बपतिस्मा देणे औल़े अहांजो तेरले ये पुछणे जो भेज्या, भई क्या तू सैई हाया सै जे औणे औल़ा, या अहें किसी दुज्जे री आशा रखिये?”