लूका 6:49 - बिलासपुरी नौआं नियम

⁴⁹ पर सै जे सुणीने नीं मनदा, सै तिस माहणुये साई आ तिने जे धरतिया पर बिणा निऊंये घर बणाया। जिस बगत बाढ़ा ने पाणिये री छालियां घराने टकराई, तां सै इकदम रुढ़िग्या कने तिसरा सत्यानाश हुईग्या!”

लूका 6:49 Referans Kwoze

मत्ती 23:3

इस खातर सै जो किछ बोल्लो तिस पर चलयां कने तिसरा पालन करयां, पर तिन्हारे साई काम्म मत करयां; काँह्भई सै बोलां त हाये पर करदे नींये।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

लूका 12:47

“कने सै दास जे अपणे मालका री इच्छा जाणदा था कने तिस खातर त्यार नीं रेआ कने मालका रिया इच्छा रे मुतावक नीं चलया तां तिस्सो शख्त सजा दित्ति जाणी।

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

मरकुस 4:17

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

2 पतरस 2:20

इस खातर जे ये अहांरे प्रभु कने छुटकारा करने औल़े यीशु मसीह जो जाणने रे जरिये संसारा रे खोटा ते बचणे ते बाद फेरी तिन्हां च फसीने हारी गरे, तां तिन्हांरी पिछली दशा पैहले ते बी बुरी हुईगरी।

1 थिस्सलुनीकियां 3:5

इस खातर काँह्भई हऊँ होर जादा इन्तजार नीं करी सकदा था, इस खातर मैं तुहांरे विश्वासा रे बारे जाणने तिमुथियुस जो भेज्या। काँह्भई मिन्जो डर था भई किति येढ़ा नीं हो भई इम्तेहान लेणे औल़े शैताने तुहांरा इम्तेहान लेआ हो, कने अहां रिया मेहणता जो बेकार त नीं करित्या।

प्रेरितां 26:11

कने हर यहूदी सभा घर च हऊँ तिन्हांजो ताड़ना देई-देईने यीशुये री निंध्या करवां था, येत्थी तक भई गुस्से रे मारे येढ़ा पागल हुईग्या भई दुज्यां नगराँ च बी जाई-जाईने तिन्हांजो सतां था।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

लूका 19:27

कने सै जे नीं चाहन्दे भई हऊँ तिन्हां पर राज करूँ, तिन्हां बैरियां जो, मेरले ल्याईने मेरे सामणे खत्म करी दवा।”

लूका 19:14

पर तिसरे नगरा च रैहणे औल़े लोक तिसते नफरत कराँ थे, इस खातर तिन्हे तिसरे पिच्छे दूतां ले सनेहा भेज्या भई अहें नीं चाहन्दे सै अहांरा राजा बणो।

मत्ती 24:10

तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा।

लूका 6:48

सै तिस माहणुये साई आ, तिने जे अपणा घर बणान्दे बगत जमीन डुग्गी खुणीने थल्ले सप्पड़ा पर निऊँ रखी। कने जिस बगत बाढ़ आई तां पाणिये री छालियां घरा ने टकराणे लगियां, पर तिस घरा जो हिलाई नीं सक्की; काँह्भई सै पक्का बणीरा था।

लूका 7:1

ताहली जे सै लोकां जो, अपणी सारियां गल्लां सुणाई बैट्ठया, तां सै अपणयां चेलयां सौगी कफरनहूम नगरा च आया,