लूका 6:42 - बिलासपुरी नौआं नियम

⁴² कने तां जे तू अपणे इ अन्दरा री बुराई नीं देखदा, तां तू अपणे भाईये जो कियां बोल्ली सक्कां, भई ल्या भाई, हऊँ तेरिया कमियां जो दूर करी दूँ अरे कपटी, पैहले तू अपणिया बुराईया जो अपणे अन्दरा ते निकाल़? फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

लूका 6:42 Referans Kwoze

2 पतरस 1:9

पर तिस माहणुये च जे ये गुण नींये, सै माहणु धुँधला देखणे औल़ा कने अन्हे साई आ; कने सै ये बी भुल्ली चुक्कीरा भई परमेशर तिसरे पुराणे पाप माफ करी चुक्कीरे।

2 तिमुथियुस 2:21

इस खातर जे कोई विश्वासी अप्पूँजो बुराईयां ते पवित्र करी लो, तां तिस खास मौके पर इस्तेमाल हुणे औल़े बर्तणा साई बणी जाणा कने तिसरा जीवन पवित्र हूणा, तां तिसरा मालक तिस्सो इस्तेमाल करी सकगा कने तिस हर तरह रे भले काम्म करने खातर त्यार हूणा।

2 कुरिन्थियों 5:18

कने फेरी ये सारियां गल्लां तिस परमेशरा रिया तरफा ते हुआ इयां, तिने जे अहें मसीह रे जरिये अप्पूँ च मलाईल्या कने लोकां जो परमेशरा ने मेल-मलापा रा काम्म अहांजो सौंपीत्या।

रोमियो 2:1

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

प्रेरितां 13:10

“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा?

प्रेरितां 8:21

इसा सेवा च तेरा किछ बी हिस्सा नींआ; काँह्भई तेरा मन परमेशरा रे सामणे सच्चा नींआ।

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

लूका 22:32

पर शमौन, प्राथना च मैं तेरे खातर बिनती किति भई तेरा विश्वास टुटी नीं जाओ, इस खातर ताहली जे तू अपणे पापां ते मन फिराई ने मेरले वापस आई जाओ, ताहली अपणे भाईयां जो बी विश्वासा च मजबूत करयां।”

लूका 13:15

पर येढ़ा सुणीने प्रभु यीशुये जबाब दित्या, “कपटियो! क्या तुहां चाते सारे इ विस्राम रे दिन काम्म नीं कराँ ये! क्या तुहें इस दिन अपणे बच्छुआं या गधे जो खुण्डा ते छड्डिने पाणी प्याणे नीं लेई जान्दे?

मत्ती 26:75

ताहली इ पतरसा जो यीशुये री गलाई री गल्ल आद आईगी तिने गलाया था, भई “कुकड़ा रे झांग देणे ते पैहले तू तिन्न बार मेरा इन्कार करना।” फेरी पतरस बाहर जाईने बड़ा भरी रोया।

मत्ती 7:3

“किसी रियां छोट्टी-छोट्टी भूलां पर ध्यान मता देन्दे, तियां जे भई किसी रिया आक्खीं च पैईरे तिनके जो देखणा; पर तिज्जो अपणे अन्दरा री बुराई नीं सुझदी सै जे लट्ठे साई बौहत बड्डी?

मत्ती 7:4

तां जे तेरे इ अन्दर बुराई समाईरी, तां तू अपणे भाईये जो कियां बोल्ली सक्कां, भई ‘ल्या भाई हऊँ तेरिया कमियां जो दूर करी दूँ?’

लूका 6:41

तू काँह अपणे भाईये रियां कमियां जो देक्खां, पर तिज्जो अपणे अन्दरा री बुराई नीं सुझदी?

लूका 6:43

“लोक पेड़ा साई ये, कोई खरा पेड़ नींआ, सै जे निकम्मा फल़ देआं, कने न त कोई निकम्मा पेड़ आ सै जे खरा फल़ देआं।