लूका 6:15 - बिलासपुरी नौआं नियम

¹⁵ मत्ती तिसरा दुज्जा नौं जे लेवी था, थोमा, कने हलफई रा पुत्र था याकूब, शमौन, सै जे यहूदी दला रा इक सदस्य था कने तिने जे रोमी सरकारा रे बिरोधा च लोकां जो बिद्रोह करने रे खातर उत्साहित कित्या था,

लूका 6:15 Referans Kwoze

मत्ती 9:9

ऊत्थीते अग्गे बधीने यीशुये मत्ती नौंवां रे इक्की माहणुये जो चुंगी लेणे औल़े नाक्के पर बैठिरा देख्या कने तिसजो बोल्या, “मेरे सौगी औ।” इस खातर सै उट्ठया कने तिसरे पिच्छे चलीप्या।

प्रेरितां 1:13

तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

मरकुस 3:18

कने अन्द्रियास, फिलिप्पुस, बरतुल्मै, मत्ती, थोमा, हलफईया रा पुत्र याकूब, तद्दै, शमौन सै जे यहूदी दला रा इक सदस्य था सै दल जे रोमी सरकारा रे बिरोधा च लोकां जो बिद्रोह करने रे खातर उत्साहित कराँ था।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।

गलातियां 1:19

पर तित्थी हऊँ प्रभुये रे भाईये याकूब जो छड्डिने किसी बी दुज्जे प्रेरिता ने नीं मिलया।

प्रेरितां 15:13

ताहली जे सै चुप हुये तां याकूब बोलणे लगया, “हे भाईयो, मेरी सुणा।

यूहन्ना 20:24

थोमा सै जे बारां चेलयां चते था, कने तिस्सो जे दिदुमुस (जुड़वा) बोलां थे। तंजे यीशु आया था तां तिन्हांने सौगी नीं था।

यूहन्ना 11:16

फेरी थोमा तिस्सो जे दिदुमुस बोलां ये, तिने अपणयां साथी चेलयां ने बोल्या, “औआ, अहें बी प्रभुये ने तित्थी चलिये ताकि अहें बी तिस सौगी मरी सक्को।”

लूका 5:27

कने इसते बाद, सै बाहर गया, कने इक लेवी नौआं रे चुंगी लेणे औल़े जो चुंगी लेणे औल़े नाक्के पर बैठिरा देख्या, कने तिसने बोल्या, “मेरे सौगी औ।”

मरकुस 2:14

ताहली जे यीशु जाया रां था, फेरी तिने हलफई रे पुत्र लेविये जो चुंगी लेणे औल़े नाक्के पर बैठिरा देख्या, कने तिसने बोल्या, “मेरे सौगी औ, इस खातर सै उट्ठया कने तिसने चलीप्या।”

लूका 6:14

सै यो थे, शमौन तिसरा जे तिने नया नौं पतरस रक्खया; अन्द्रियास, पतरसा रा छोट्टा भाई; याकूब कने तिसरा भाई, यूहन्ना; फिलिप्पुस; बरतुल्मै;

लूका 6:16

कने याकूब रा पुत्र यहूदा, कने यहूदा इस्करियोति, सै जे तिस्सो पकड़वाणे औल़ा बणया।