लूका 5:3 - बिलासपुरी नौआं नियम

³ यीशु तिन्हां किश्तियां चते इक्की पर चढ़ीग्या, सै जे शमौना री थी, कने तिने तिसते बिनती किति भई “कश्तिया जो कण्डे ते थोड़ा जेआ खसकाई ने पाणिये च लेई चल।” फेरी यीशु तिसच बैट्ठीने ऊथीते लोकां जो बचन सुनाणे लगया।

लूका 5:3 Referans Kwoze

मत्ती 4:18

ताहली जे यीशु गलील दरयावा रे कण्डे फिरदे हुये दो भाईयां यनिके शमौन (सै जे पतरस था) कने तिसरा भाई अन्द्रियास जो, सै जे दरयावा च जाल़ पाईराँ थे; काँह्भई सै मच्छुआरे थे।

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

मरकुस 3:9

काँह्भई तिने मतयां लोकां जो ठीक कित्तिरा था; इस खातर जितने लोक बमारिया ने जकड़ोईरे थे, सै तिसरे नजदीक आईने तिस्सो छूणे री बौहत कोशिश करीराँ थे, ताकि सै लोक ठीक हुई सक्को। इस खातर तिने अपणयां चेलयां ने बोल्या भई, “मेरे खातर इक छोट्टी किश्ती त्यार रक्खा, ताकि लोक मेरने छोणे जो औणे रिया वजह ने मिन्जो घेरी नीं सक्को।”

लूका 5:2

तिने नदिया रे कण्डे दो किश्तियां खढ़ी रियां देखी, कने मच्छुवारे तिन्हां किश्तियां जो ऊथी छड्डिने मच्छियां पकड़ने रे अपणे जाल़ा जो धोई कराँ थे।