लूका 5:24 - बिलासपुरी नौआं नियम

²⁴ पर इस खातर भई तुहें जाणी सक्को माहणुये रे पुत्रा जो इसा धरतिया पर पापां जो माफ करने रा बी अधिकार आ।” तिने तिस लकवे रे रोगिये जो गलाया, “हऊँ तिज्जो बोलां, उट्ठ कने अपणिया पाल़किया चक्कीने अपणे घरा जो जा।”

लूका 5:24 Referans Kwoze

प्रकाशितवाक्य 1:13

कने तिन्हां सात्त दीपदान्नां रे बिच माहणुये साई इक प्राणिये जो देख्या, तिने जे पैराँ तक कपड़ा पैहनीरा था, कने छातिया पर सोने री पट्टी बन्हीरा थी।

प्रेरितां 14:10

कने बड़िया अवाज़ा च गलाया, “अपणे पैराँ रे भार सिधा खड़ा हुई जा।”

प्रेरितां 9:40

तां पतरसे सब्बीं जो बाहर कड्डी त्या, कने गोडयां टेक्कीने प्राथना किति कने लाशा खौ देखीने गलाया, “हे तबीता, उट्ठ।” तां तिसे अपणिया आक्खीं खोली तियां; कने पतरसा खौ देखीने उट्ठीने बैठिगी।

प्रेरितां 9:34

पतरसे तिस्सो गलाया, “ओ एनियास! यीशु मसीह तिज्जो ठीक कराँ। उट्ठ, कने अपणे बिस्तरे जो कठेर।” तां सै झटपट उट्ठीने खड़ा हुई गया।

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

यूहन्ना 17:2

तैं मिन्जो सारयां लोकां पर अधिकार दित्तिरा, भई हऊँ तिन्हां सब्बीं जो अनन्त जीवन देऊं।

यूहन्ना 11:43

ये बोलणे ते बाद तिने ऊच्ची अवाज़ च हाक पाई, “लाजर, बाहर निकल़ी औ!”

यूहन्ना 5:27

बल्कि मिन्जो न्याय करने रा बी अधिकार दित्या, इस खातर भई हऊँ माहणुये रा पुत्र आ।

यूहन्ना 3:13

कोई स्वर्गा जो नीं गया, पर सिर्फ माहणुये रा पुत्र यनिके हऊँ, सै जे स्वार्गा ते उतरी ने आईरा।

लूका 8:54

पर यीशुये तिसा कुड़िया रा हत्थ पकड़या, कने हाक पाईने गलाया, “बेटी, उट्ठ!”

लूका 7:14

सै तिसा अर्थिया रे नेड़े गया कने तिसने छोया, कने तिस्सो चकणे औल़े रुकीये। फेरी यीशुये बोल्या, “नौजवान, हऊँ तिज्जो बोलां उट्ठ जा।”

लूका 5:13

तिने हात्थ अग्गे करीने तिस्सो छुया कने बोल्या, “हाँ, हऊँ चाँह भई तू ठीक हुई जाओ!” कने तिसरा कोढ़ इकदम जान्दा रैया।

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

मत्ती 26:64

यीशुये जबाब दित्या, “तैं अप्पूँ इ बोल्या; पर हऊँ तुहांजो बोलां भई तुहां माहणुये रा पुत्र सर्वशक्तिमान परमेशरा रे सज्जे पासे बैठिरा कने अम्बरा रे बद्दल़ां पर बड़े छोड़ औन्दे देखणा।”

मत्ती 25:31

“ताहली जे माहणुये रे पुत्रा यनि मांह वापस अपणिया महिमा च औणा कने सारे स्वर्गदूत मेरे सौगी औणे, तां मांह सब्बी लोकां पर राज करने खातर अपणे राजकीय संघासणा पर बैठणा।

मत्ती 16:13

ताहली जे यीशु कैसरिया फिलिप्पी रे प्रदेशा च आया, तां तिने अपणे चेलयां ते पुच्छया, “लोक क्या बोल्लां ये भई हऊँ माहणुये रा पुत्र कुण आ?”

मत्ती 9:6

पर इस खातर भई तुहें जाणी लवा भई मिन्जो यनि माहणुये रे पुत्रा जो धरतिया पर पाप माफ करने रा अधिकार आ।” तिने लकवे रे रोगिये जो गलाया, “उट्ठ, अपणिया पाल़किया चक कने घरौ चली जा।”

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

लूका 5:18

कने देक्खा कई लोक इक माहणुये जो सै जे लकवे रा रोगी था, पाल़किया पर ल्याये, कने सै तिस्सो अन्दर ले जाणे कने यीशुये रे सामणे रखणे रा उपाय टोल़ीराँ थे।

लूका 5:23

क्या येढ़ा बोलणा सान आ हूणा? तेरे पाप माफ हुये या येढ़ा बोलणा भई उट्ठ कने चलने लग?