लूका 5:2 - बिलासपुरी नौआं नियम

² तिने नदिया रे कण्डे दो किश्तियां खढ़ी रियां देखी, कने मच्छुवारे तिन्हां किश्तियां जो ऊथी छड्डिने मच्छियां पकड़ने रे अपणे जाल़ा जो धोई कराँ थे।

लूका 5:2 Referans Kwoze

मरकुस 1:19

ताहली जे यीशु थोड़ा जेआ अग्गे गया, तां तिने जब्दिये रे बड्डे पुत्र याकूब, कने तिसरे छोट्टे भाई यूहन्ने जो, किश्तिया पर जाल़ां जो सधेरदे देख्या।

मत्ती 4:21

फेरी सै तित्थी ते अग्गे बधीने, तिने कने दो भाईयें यनिके जब्दिये रे पुत्र याकूब कने तिसरा भाई यूहन्ने जो अपणे पिता जब्दिये सौगी किश्तिया पर अपणे जाल़ां जो सधेरदे देख्या; कने तिन्हांजो बी सद्दया।

मत्ती 4:18

ताहली जे यीशु गलील दरयावा रे कण्डे फिरदे हुये दो भाईयां यनिके शमौन (सै जे पतरस था) कने तिसरा भाई अन्द्रियास जो, सै जे दरयावा च जाल़ पाईराँ थे; काँह्भई सै मच्छुआरे थे।

मरकुस 1:16

गलील समुद्रा रे कनारे-कनारे जान्दे हुये, तिने शमौन कने तिसरे भाई अन्द्रियासा जो समुद्रा च जाल़ पान्दे देख्या; काँह्भई सै मच्छुआरे थे।

लूका 5:1

इक बगत ताहली जे भई लोकां रा दंगल यीशुये जो चऊँ पासयां ते घेरी ने परमेशरा रा बचना सुणीराँ था, कने सै गन्नेसरत नदिया रे कण्डे खढ़िरा था।

लूका 5:3

यीशु तिन्हां किश्तियां चते इक्की पर चढ़ीग्या, सै जे शमौना री थी, कने तिने तिसते बिनती किति भई “कश्तिया जो कण्डे ते थोड़ा जेआ खसकाई ने पाणिये च लेई चल।” फेरी यीशु तिसच बैट्ठीने ऊथीते लोकां जो बचन सुनाणे लगया।

यूहन्ना 1:40

तिन्हां दुईं चते, सै जे यूहन्ने री गल्ल सुणीने यीशुये रे पिच्छे चलीगरे थे, तिन्हां चते इक शमौन पतरस रा भाई अन्द्रियास था।