लूका 5:17 - बिलासपुरी नौआं नियम

¹⁷ इक दिन ताहली जे यीशु बचनां री शिक्षा देईराँ था, तां किछ फरीसी कने व्यवस्थापक बी ऊथी बैठिरे थे, ये लोक गलील कने यहूदिया प्रदेशा रे हर इक गाँवां ते कने यरूशलेम नगरा ते आईरे थे काँह्भई चंगा करने औल़ी प्रभुरी सामर्थ यीशुये सौगी थी।

लूका 5:17 Referans Kwoze

लूका 6:19

सारे लोक यीशुये जो छूणे री कोशिश करया रां थे, काँह्भई तिसते सामर्थ निकल़ीने सारयां जो चंगा करया रां थी।

लूका 8:46

पर यीशुये तिसने गलाया, “नां, किन्हिये जाणी बुझी ने हऊँ छुया, काँह्भई मेरे चते सामर्थ निकल़ी, कने मैं इसजो महसूस बी कित्या।”

प्रेरितां 19:11

परमेशर पौलुसा रे जरिये सामर्था रे नोखे काम्म कित्ते।

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

प्रेरितां 4:30

चंगा करने खातर तू अपणा हाथ अग्गे कर भई चमत्कारी नशाण कने हैरान करने औल़े काम्म तेरे पवित्र दास यीशुये रे नौआं ते कित्ते जाओ।”

मरकुस 7:1

तां फरीसी कने किछ यहूदी शास्त्री सै जे यरूशलेम नगरा ते आईरे थे यीशुये रे चऊँ पासयां कट्ठे हुये,

मरकुस 5:30

यीशुये जो ताहलूं इ महसूस हुईग्या भई मेरे चते सामर्थ्य निकल़ीरी, कने भीड़ा च चऊँ पासयां देखीने पुच्छया, “मेरे कपड़यां ने कुण छोया?”

मत्ती 15:1

फेरी किछ फरीसी कने यहूदी शास्त्री यरूशलेम ते यीशुये ले आये कने तिसते पुच्छया,

यूहन्ना 3:21

पर सै माहणु जे सच्चाईया पर चलां सै जोतिया रे नेड़े औआं ताकि तिसरे काम्म दिखी जाओ भई ये परमेशरा रिया तरफा ते हुईरे।”

लूका 2:46

तिज्जे दिन यीशु तिन्हाजो मन्दरा रे अंगणा च मिलया, तित्थी सै यहूदी धर्म-गुरुआं सौगी बैठिरा था, कने तिन्हारी गल्लां सुणीने आत्मिक कने धार्मिक गल्लां रे बारे च स्वाल जबाब करी रां था।

लूका 15:2

इसजो देखीने फरीसी कने यहूदी शास्त्री बड़बड़ाणे लगे, “ये माहणु त पापी कने घटिया लोकां सौगी उट्ठां बैट्ठां कने तिन्हां सौगी रोटी बी खां!”

लूका 7:30

पर फरीसियें कने व्यवस्थापकें यूहन्ना रा बपतिस्मा नां लेणे ते अपणे खातर परमेशरा री योजना जो ठोकर मारीती।

लूका 5:30

कने फरीसी कने तिन्हांरे शास्त्री, तिसरे चेलयां ने ये बोलीने शकैत करने लगे, “तुहें चुंगी लेणे औल़यां कने पापियां ने सौगी खां-पीयें?”

लूका 5:21

फेरी शास्त्री कने फरीसी अपणे-अपणे मनां च बिचार करने लगे भई, “ये कुण आ, सै जे परमेशरा री निंध्या कराँ? परमेशरा जो छड्डिने कुण पापां जो माफ करी सक्कां?”

मरकुस 16:18

जे तुहें जहरीले सर्पां जो पकड़ी लैं, तां तिन्हां तुहांरा कोई नुक्शान नीं करना कने जे तुहें खतरनाक जहर बी पी लैं, तां इसते तुहांरा कोई नुकशान नीं हूणा; तुहां बमाराँ पर हात्थ रखणे, कने तिन्हां ठीक हुई जाणा।”

मरकुस 3:22

शास्त्री बी सै जे यरूशलेम नगरा ते आईरे थे, येढ़ा बोलणे लगे, “येत बुरीआत्मां रे मुखिये शैतान्ना रे सहारे बुरीआत्मां जो बाहर नकाल़ां।”

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

यूहन्ना 3:10

ये सुणीने यीशुये तिसजो जबाब दित्या, “तू इस्राएलियां रा गुरू हुईने बी इन्हां गल्लां जो नीं समझदा?

प्रेरितां 5:34

पर गमलीएल नौआं रा इक फरीसी सै जे व्यवस्थापक कने सब्बीं लोकां च खरा था, कचैहरिया च खड़े हुईने प्रेरितां जो थोड़िया देरा खातर बाहरा जो भेजणे रा हुक्म दित्या।