लूका 5:15 - बिलासपुरी नौआं नियम

¹⁵ पर प्रभु यीशुये रे नीं चाहणे रे बाबजूद, तिन्हारे हैरान करने औल़े कम्मां री गल्लां बड़े छोड़े फैल्ली, कने दंगला रे दंगल तिन्हाजो सुणने रे खातर कने अपणी बमारियां ते ठीक हुणे खातर औन्दे गये।

लूका 5:15 Referans Kwoze

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मत्ती 9:26

कने इसा गल्ला रा चर्चा सारे लाके च फैल्लीग्या।

मरकुस 1:28

कने तिसरा नौं इकदम गलील परदेशा रे आसे-पासे रे सारे लाकयां च फैल्लीग्या।

यूहन्ना 6:2

कने लोकां री इक बड्डी भीड़ तिसरे पिच्छे चलीपी काँह्भई जो चमत्कार करने औल़े काम्म सै बमाराँ पर दस्सां था लोक तिन्हाजो देक्खां थे।

लूका 14:25

यीशुये सौगी लोकां री बौहत भीड़ चलीरी थी, सै तिन्हारी तरफ मुड़या कने गलाया,

मरकुस 3:7

इसते बाद यीशु अपणयां चेलयां सौगी गलील दरयावा री तरफ चलीप्या कने गलील जिले ते इक बड्डी भीड़ तिसरे पिछे चलीपी।

1 तिमुथियुस 5:25

तियां इ किछ लोकां रे भले काम्म साफ तौर पर दिखां ये; कने सै जे साफ तौर पर नीं दिखाई देआंये, सै भले काम्म बी छुपी नीं सकदे।

मत्ती 9:31

पर तिन्हे ऊत्थीते जाईने ये खबर तिस लाके रे चऊँ पासयां फैलाईती।