लूका 5:12 - बिलासपुरी नौआं नियम

¹² ताहली सै किसी नगरा च था, तां देक्खा, तित्थी कोढ़ा ने भरीरा इक माहणु आया, कने सै यीशुये जो देखीने मुँआं रे भार पैईग्या, कने विनती कित्ती, “हे प्रभु, जे तुहें चाओ तां मिन्जो इस कोढ़ा ते ठीक करी सक्कां ये।”

लूका 5:12 Referans Kwoze

लूका 17:16

सै मुँआं रे भार यीशुये रे पैराँ पर पैईने तिसरा धन्यवाद करने लगया; कने सै इक सामरी माहणु था।

मत्ती 9:28

सै ताहली जे घरा रे अन्दर पुज्या, तां सै अन्हे तिसले आये, फेरी यीशुये तिन्हांते पुच्छया, “क्या तुहांजो विश्वास आ भई हऊँ तुहांजो ठीक करी सक्कां?” तिन्हें जबाब दित्या, “हाँ, प्रभु, अहें विश्वास कराँ ये भई तू अहांजो ठीक करी सक्कां।”

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

मत्ती 26:6

यीशु ताहली जे बैतनिय्याह गाँवा च शमौन कोढ़िये रे घरें था,

मरकुस 5:23

कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।”

लूका 5:13

तिने हात्थ अग्गे करीने तिस्सो छुया कने बोल्या, “हाँ, हऊँ चाँह भई तू ठीक हुई जाओ!” कने तिसरा कोढ़ इकदम जान्दा रैया।