लूका 5:1 - बिलासपुरी नौआं नियम

¹ इक बगत ताहली जे भई लोकां रा दंगल यीशुये जो चऊँ पासयां ते घेरी ने परमेशरा रा बचना सुणीराँ था, कने सै गन्नेसरत नदिया रे कण्डे खढ़िरा था।

लूका 5:1 Referans Kwoze

मरकुस 3:9

काँह्भई तिने मतयां लोकां जो ठीक कित्तिरा था; इस खातर जितने लोक बमारिया ने जकड़ोईरे थे, सै तिसरे नजदीक आईने तिस्सो छूणे री बौहत कोशिश करीराँ थे, ताकि सै लोक ठीक हुई सक्को। इस खातर तिने अपणयां चेलयां ने बोल्या भई, “मेरे खातर इक छोट्टी किश्ती त्यार रक्खा, ताकि लोक मेरने छोणे जो औणे रिया वजह ने मिन्जो घेरी नीं सक्को।”

मत्ती 14:34

सै नदी पार करीने गन्नेसरत नगरा रे इलाके च पुज्जे।

मरकुस 6:53

ताहली जे यीशु कने तिसरे चेले इक्की किश्तिया पर गलील दरयावा च होर अग्गे बधे, तां सै पार उतरीने गन्नेसरत च पुज्जे, कने किश्ती किनारे पर लाई।

मत्ती 11:12

तदुआं ते जे यूहन्ने प्रचार करना शुरु कित्या तिस वगता ते लेईने हुण तक परमेशरा रा राज तेजिया ने बधया राँ कने बलवान लोक तिसजो नाश करना चाँये।

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

मरकुस 5:24

फेरी सै अपणयां चेलयां ने तिस सौगी चलीप्या; कने बड्डी भीड़ तिसरे पिछे हुईगी, येत्थी तकौ भई लोक तिसरे नेड़े जाणे खातर तिसजो चऊँ पासयां ते दबाया राँ थे।

लूका 8:45

इस पर यीशुये पुच्छया, “मेरने कुण छोया?” तां जे सारे मुकरने लगे, तां पतरस कने तिसरे साथियें गलाया, “स्वामी तिज्जो त सारिये भीड़े ढकी लरा, कने पले-पले तेरे ऊपर रुढ़ि कराँ इ।”

मरकुस 4:1

फेरी यीशु गलील दरयावा रे कनारे उपदेश देणे लगया : कने येढ़ि बड्डी भीड़ तिसले कट्ठी हुईगी भई सै तिस दरयावा च इक्की किश्तिया पर चढ़ीने बैठिग्या, कने सारी भीड़ धरतिया पर दरयावा रे कनारे खढ़ी रैई।

लूका 5:2

तिने नदिया रे कण्डे दो किश्तियां खढ़ी रियां देखी, कने मच्छुवारे तिन्हां किश्तियां जो ऊथी छड्डिने मच्छियां पकड़ने रे अपणे जाल़ा जो धोई कराँ थे।

लूका 8:22

इक दिन यीशु अपणे चेलयां ने बोलां यें, “औआ, अहें नदिया रे उस पार चलिये।” ताहली सै किश्तिया पर चढ़े कने चलीपे।

लूका 8:23

पर ताहली जे किश्ती चलीरी थी, तां सै सैईगरा था; कने नदिया च तूफान आया, कने किश्ती पाणिये ने भरने लगी कने सै खतरे च थे।

लूका 8:33

फेरी बुरीआत्मां तिस माहणुये ते निकल़ीने सूराँ च बड़ी गियां कने सै सारे सूर पहाड़िया परा ते दरयावा च पैईगै, कने डुब्बी मरे।

यूहन्ना 1:40

तिन्हां दुईं चते, सै जे यूहन्ने री गल्ल सुणीने यीशुये रे पिच्छे चलीगरे थे, तिन्हां चते इक शमौन पतरस रा भाई अन्द्रियास था।

यूहन्ना 6:1

इन्हां गल्लां ते बाद यीशु गलील दरयावा रे तिबिरियास पार गया।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।