लूका 4:41 - बिलासपुरी नौआं नियम

⁴¹ कने बुरीआत्मायें रड़ान्दी हुई कने ये बोलदी हुई, भई “तू परमेशरा रा पुत्र आ,” बौहत लोकां चते निकल़ी गियां, पर सै तिन्हाजो थिड़कां था कने बोलणे नीं देन्दा था, काँह्भई बुरी आत्मा जाणाँ थिआं, भई सै मसीह आ।

लूका 4:41 Referans Kwoze

मरकुस 1:34

तिने बौहत लोकां जो सै जे कईयां बमारियां ते दुखी थे, ठीक कित्या, कने कई सारी बुरीआत्मां जो कड्डया; कने बुरीआत्मां जो बोलणे नीं दित्या, काँह्भई सै जाणा थिआं, भई यीशु परमेशरा रिया तरफा ते आईरा।

याकूब 2:19

तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

मरकुस 3:11

जाहलुँ बी बुरीआत्मायें यीशुये जो देक्खां इयां, सै तिसरे सामणे तिसजो आदर देणे खातर पई जांईयां, कने चीखां मारीने बोलां थिआं भई “यीशु परमेशरा रा पुत्र आ।”

मत्ती 4:3

तां परखणे औल़े शैताने नेड़े आईने तिसजो गलाया, “जे तू परमेशरा रा पुत्र आ, तां इन्हां पत्थराँ जो हुक्म देईने साबित कर, भई ये रोटियां बणी जो, ताकि तू खाई सक्को।”

मत्ती 26:63

पर यीशु चुप रैया। फेरी महायाजके तिसते पुच्छया, “हऊँ तिज्जो जिऊंदे परमेशरा री सगन्द देआं भई जे तू परमेशरा रा पुत्र मसीह आ तां अहां ने गलाईदे।”

मत्ती 8:29

सै दोन्नो अचानक यीशुये पर चिल्लान्दे हुए बोलणे लगे, “हे परमेशरा रे पुत्र, अहांते तुहांजो क्या काम्म आ? क्या तू अहांजो परमेशरा रे तैह कित्तिरे वगता ते पैहले सजा देईने तिसरी अवहेलना नीं करीरां?”

मरकुस 1:25

यीशुये तिस्सो थिड़की ने गलाया, “चुप रै! कने तिस चते निकल़ी जा।”

मत्ती 8:4

यीशुये तिसने गलाया, “देख, इस बारे च किसी ने बी देखां बोलदा, पर जाईने अप्पूँजो याजका ले दास्स कने सै भेंट जे मूसे ठैहराईरी तिसाजो चढ़ा, ताकि सै लोक जाणी लो भई तू ठीक हुईगरा।”

मत्ती 8:16

ताहली जे सान्झ हुई तां सै तिसले मते सारे येढ़े लोकां जो ल्याये तिन्हां च जे बुरीआत्मां थिआं कने किछ बमार थे तिने तिन्हां आत्मां जो अपणे वचना ने बाहर कड्डित्या; कने सारे बीमाराँ जो ठीक कित्या।

मरकुस 1:32

दिन घरने ते बाद संझा रे वगत किछ लोक येढ़यां लोकां जो यीशुये ले ल्याये सै जे बमार थे, कने तिन्हां च जे बुरीआत्मां थिआं।

लूका 4:39

तिने तिसारे मंजे रे सराहणे खौ खढ़ी ने बुखारा जो थिड़क्या, कने इकदम इ तिसारा बुखार उतरीग्या। सै इकदम बिस्तरे ते उट्ठीकने तिन्हांरी सेवा च लगी गी।