लूका 4:23 - बिलासपुरी नौआं नियम

²³ फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

लूका 4:23 Referans Kwoze

मरकुस 6:1

फेरी यीशु ऊत्थी ते निकल़ीने कफरनहूम नगरा जो छड्डिने अपणे गाँव नासरत च गया, कने तिसरे चेले बी तिसरे पिछे गये।

मत्ती 4:13

कने सै नासरत जो छड्डिने कफरनहूम रे तिस इलाके च गया सै जे गलील दरयावा रे कनारे बसीरा था, तित्थी जे जबूलून कने नप्ताली गोत्राँ रे लोक रैयां थे।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।

यूहन्ना 4:28

फेरी सै जनाना अपणा घड़ा तिसा जगह छड्डिने गाँवां जो बापस चलीगी, कने लोकां ने बोलणे लगी,

लूका 6:42

कने तां जे तू अपणे इ अन्दरा री बुराई नीं देखदा, तां तू अपणे भाईये जो कियां बोल्ली सक्कां, भई ल्या भाई, हऊँ तेरिया कमियां जो दूर करी दूँ अरे कपटी, पैहले तू अपणिया बुराईया जो अपणे अन्दरा ते निकाल़? फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

लूका 4:16

फेरी यीशु नासरत नगरा च वापस आया, तित्थी जे सै पल़या-बढ़या था, तां अपणी रीता रे मुतावक सै विस्रामा रे दिन यहूदी सभा घरा च गया कने ऊथी पवित्रशास्त्र पढ़ने खातर खड़ा हुआ।

मत्ती 13:54

कने अपणे देशा च आईग्या, फेरी तिने यहूदियां रे यहूदी सभा घरा च उपदेश देणा शुरु करित्या; इसते हर कोई हैरान हुईने बोलणे लगया, “इस्सो येढ़ि सूझ-बूझ कने चमत्कारी शक्ति किति ते मिली?

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

लूका 2:39

यीशुये रे मौ-बुढ़यां प्रभुये रे व्यवस्था रे मुतावक सारी जरूरी गल्लां पूरी कित्ती यां, तिसते बाद सै गलील प्रदेशा रे नासरत नगरा च अपणे घरा जो बापस आईगे।

लूका 2:51

फेरी सै तिन्हां सौगी नासरत जो वापस आईग्या, कने तिन्हारा हुक्म मनदा रैया; कने तिसरी माते ये सारी गल्लां अपणे मना च रखी।

लूका 4:31

फेरी सै गलील प्रदेशा रे कफरनहूम नगरा च गया, कने विस्राम रे दिन लोका जो उपदेश देणे लगया।

लूका 4:35

यीशुये तिस्सो डांटी ने गलाया, “चुप ओ! कने इस माहणुये चते बाहर निकल़ी जा!” फेरी तिने बुरीआत्में तिस माहणुये जो धरतिया पर फोड़ीत्या, लोक येढ़ा सब किछ देखीरां थे। फेरी सै बुरीआत्मा तिस माहणुये जो होर जादा नुक्शान कित्ते बगैर, तिस चते निकल़ीगी।