लूका 3:18 - बिलासपुरी नौआं नियम

¹⁸ यूहन्ना इस तरिके ने लोकां जो कई गल्लां ते चत्तन्न करदा रैया, कने मसीह रे औणे री खुशखबरिया रा प्रचार करदा रैआं था।

लूका 3:18 Referans Kwoze

प्रेरितां 2:40

पतरसे होर बौहत गल्लां ते बी गवाही देई-देईने समझाया भई “अप्पूँजो इसा टेढिया जातिया ते बचाओ।”

यूहन्ना 1:34

कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

यूहन्ना 1:15

यूहन्ने तिसरे बारे च गवाही दित्ति, कने जोरा ने बोल्या, “येई हाया सै, तिसरा जे मैं बखान कित्या भई सै जे मेरे बाद तुहांजो प्रचार करने आई कराँ, सै सामर्था च माहते बधी नेआ, काँह्भई सै माहते पैहले था।”

लूका 3:17

सै माहणु जाति रा न्याय करने आई कराँ, ठीक तियां इ जियां जे करसाण कणका जो छन्डी ने भूआ ते लग कराँ। फेरी तिस अपणे ख्वाड़े री साफ-सफाई खरे तरिके ने करनी कने कणका जो अपणे पेड़ुये च कट्ठा करीने रखणा, पर भूआ जो तिस अग्गी च फुकणा सै जे कदीं बुझदी नीं हो।”

लूका 3:19

पर तिने चौथाई देशा रे राजा हेरोदेस जो तिसरे भाई फिलिप्पुस रिया जनाना हेरोदियासा रे बारे च, कने सारे बुरयां कम्मां च सै जे तिने कित्तिरे थे, लुहामा दित्या।

प्रेरितां 20:2

तिस सारे नगरा चियें घुम्मी फिरीने सब विश्वासियां जो हौंसला दित्या कने सै यूनान प्रदेशा जो आईग्या।

रोमियो 12:8

जे तुहांरा बरदान हौंसला देणे औल़ा ओ, तां तिस्सो हौंसला देन्दे रैहणा चाहिन्दा; जे किसी जो दान देणे रा बरदान मिलीरा, तां तिस्सो खुले दिला ने दान देणा चाहिन्दा; जे किसी जो अगुवाई करने रा बरदान मिलां, तां सै जोशा ने अगुवाई करे; सै जे दया करो, सै खुशिया ने करो।