लूका 3:12 - बिलासपुरी नौआं नियम

¹² चुंगी लेणे औल़े बेईमान लोक बी तिसले बपतिस्मा लेणे आये कने पुछणे लगे, “गुरू जी, अहें क्या करिये?”

लूका 3:12 Referans Kwoze

लूका 7:29

जिस बगत सारयां लोकें कने चुंगी लेणे औल़यां ये गल्ल सुणी तां फेरी तिन्हे यूहन्ने ते बपतिस्मा लेईने परमेशरा जो सच्चा मन्नील्या।

लूका 18:13

पर तिने चुंगी लेणे औल़े माहणुये दूर खड़ा हुईने, स्वर्गा खौ देखणा बी नीं चाहया बजाय इसरे, सै अपणी छात्तिया पिटदे-पिटदे बड़ा दुखी हुईने बोलणे लगया, “हे परमेशर, माह पर दया कर, काँह्भई हऊँ पापी आ।

मत्ती 5:46

काँह्भई जे तुहें अपणे प्यार रखणे औल़यां नेई प्यार रखां ये, तां तुहांजो परमेशरा कजो ईनाम देणा? क्या टैक्स लेणे औल़े बी येढ़ा इ नीं करदे?”

लूका 3:10

तां लोकां री भीड़ तिसते पुछणे लगी, “अहांजो परमेशरा रिया इसा सजा ते बचणे खातर क्या करने पौणा?”

लूका 3:13

तिने तिन्हाजो गलाया, “अपणे कम्मां च ईमानदार रौ। रोमी सरकारा रे मुतावक जितना कर लेणे रा हुक्म हो, उतणा इ लेणा चाहिन्दा, इसते मता नीं।”

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”