लूका 24:26 - बिलासपुरी नौआं नियम

²⁶ क्या मसीह रे खातर ये जरूरी नीं था भई इसते पैहले सै इन्हां पीड़ां जो भुगते फेरी स्वर्गा च जाईने अपणे अधिकारा रिया गद्दिया पर बैट्ठो?”

लूका 24:26 Referans Kwoze

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

प्रेरितां 17:3

कने तिन्हांरा मतलब खोल्ली-खोल्ली ने समझां था भई मसीह रा दुख सैहणा, कने मूईरेयां चते ज्यूंदा हूणा, जरूरी था; कने, “सै यीशु तिसरी जे हऊँ तुहांजो कथा सुणाई राँ, मसीह आ।”

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

लूका 24:46

कने तिने तिन्हांने बोल्या, “पवित्रशास्त्रा च ये लिखिरा; भई मसीहे दुख सैहणा कने तिज्जे दिन मूईरयां चते जिऊंदे हूणा,

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

लूका 24:7

भई, माहणुये रे पुत्रा जो यनि मिन्जो पापियां रे हत्थें पकड़वाया जाणा, फेरी सै क्रूसा पर लटकाया जाणा, कने तिज्जे दिन तिस फेरी भीं ते जिऊंदे हुई जाणा, ये सब जरूरी आ?”

यूहन्ना 2:22

पर ताहली जे सै मूईरयां चते भीं ते जिऊंदा हुया तां तिसरे चेलयां जो याद आया भई यीशुये येढ़ा बोलीरा था; कने तिन्हे पवित्रशास्त्र सै जे मसीह रे मरने ते बाद जिऊंदा हुणे रे बारे च दस्सां यीशुये रियां गल्लां पर विश्वास कित्या।

यूहन्ना 20:9

सै अजें तक बी पवित्रशास्त्रा रे तिस बचना जो नीं समझी पाए थे, भई, “तिसरा मूईरयां चते जिऊंदा हूणा जरूरी था।”