लूका 24:20 - बिलासपुरी नौआं नियम

²⁰ कने अहें इस बारे च गल्लां करीराँ थे भई अहांरे मुखियायाजकां कने धर्म शास्त्रियें तिन्हाजो मौता रा हुक्म दुआई ने क्रूसा पर लटकाईत्या।

लूका 24:20 Referans Kwoze

लूका 23:13

पिलातुस राजपाले मुखियायाजकां, यहूदी नेतयां कने लोकां जो बी सद्दीने कट्ठा कित्या कने तिन्हांने गलाया,

मत्ती 27:20

मुखियायाजकें कने बजुर्ग यहूदी नेतयां लोकां जो बहकाया भई सै पिलातुसा ते बरअब्बा जो छडणे री कने यीशुये जो मारने री मांग करा।

लूका 22:66

ताहली जे दिन हुया तां मुखियायाजकां कने शास्त्रियां समेत लोकां रे बजुर्ग नेतयां री इक सभा हुई; फेरी सै लोक तिस्सो अपणी बड्डी सभा च ली आये।

मरकुस 15:1

भ्याग हुंदे इ ताहलूं मुखियायाजकें, बजुर्ग अगुवेयां, शास्त्रियें कने सारिये महासभे सलाह करीने ये फैसला लेआ भई यीशुये रा न्याय करने खातर तिस्सो पिलातुस राजपाला ले सौंपीत्या।

मत्ती 23:33

तुहें बौहत धुर्त लोक ये! तुहें जहरीले सर्पा साई खतरनाक ये! तुहें कियां सोच्चील्या भई तुहां नरका री सजा भोगणे ते बची जाणा?

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।